عمران خان نے اوورسیز پاکستانیوں سے کیا وعدہ پورا کر دیا، شہباز گل

ملکی معیشت 2018 میں وینٹی لیٹر پر تھی، شہباز گل

اسلام آباد: وزیر اعظم عمران خان کے معاون خصوصی شہباز گل نے کہا ہے کہ عمران خان نے اوورسیز پاکستانیوں سے کیا وعدہ پورا کر دیا۔

وزیر اعظم عمران خان کے معاون خصوصی شہباز گل نے میڈیا سے گفتگو میں کہا کہ اوورسیز پاکستانیوں کو مبارکباد دیتا ہوں کیونکہ بیرون ملک کام کرنے والے محنت کشوں کو آج ووٹ کا حق مل گیا۔

انہوں نے کہا کہ عمران خان نے اوورسیز پاکستانیوں سے کیا وعدہ پورا کر دیا۔ ‏اللہ کا شکر ہے آج عمران خان نے وہ کر دکھایا جو کسی نے سوچا بھی نہ تھا اب اگلا انتخاب الیکٹرونک ووٹنگ مشین پر ہو گا۔

یہ بھی پڑھیں: ای وی ایم بل منظور ہوا تو آئندہ الیکشن آج سے نہیں مانتے، بلاول بھٹو

شہباز گل نے کہا کہ سمندر پار پاکستانی دنیا کے کسی بھی حصہ میں ہوں وہ وہاں سے ووٹ ڈال سکیں گے۔ تمام مافیا کی مخالفت کے باوجود عمران خان نے یہ کر دکھایا اور خان کے سمندر پار پاکستانی زندہ باد۔

متعلقہ خبریں