بھارت کیخلاف تباہ کن بولنگ، آئی سی سی کا بڑا اعزاز شاہین کے نام


ٹی 20 ورلڈ کپ میں بھارت کے خلاف تباہ کن بولنگ کرانے پر انٹرنیشنل کرکٹ کونسل (آئی سی سی) نے بڑا اعزاز شاہین شاہ آفریدی کے نام کر دیا۔

آئی سی سی نے سوشل میڈیا پر شاہین شاہ آفریدی کا بھارت کے خلاف اوپننگ اسپل ’ پلے آف دی ٹورنامنٹ‘ قرار دیا ہے۔

فاسٹ باؤلر شاہین شاہ آفریدی نے سرفراز احمد سے معذرت کرلی

6 فٹ 6 انچ کا قد رکھنے والے 21 سالہ شاہین شاہ آفریدی نے روائتی حریف بھارت کے خلاف تباہ کن بولنگ کا مظاہرہ کیا تھا۔

انہوں نے اپنے پہلے اوور کی تیسری گیند پر تجربہ کار بھارتی اوپنر روہت شرما کو ایل بی ڈبلیو آؤٹ کیا اور اس کے بعد اپنے دوسرے ہی اوور میں کے ایل راہول کو ناقابل یقین گیند پر بولڈ کر دیا۔

شاہین شاہ آفریدی کی جارحانہ بولنگ کے باعث بھارتی بیٹنگ لائن بری طرح لڑکھڑا گئی اور پاکستان کو بڑا ہدف دینے میں ناکام رہی۔


متعلقہ خبریں