امریکہ واپس جانے کے لیے نہیں آیا، کپتان نے چاہا تو الیکشن بھی لڑوں گا، شہباز گل

وزیراعظم کے معاون خصوصی شہبازگل نے کہا ہے کہ ‏وہ امریکہ واپس جانے کے لئے نہیں آئے، کپتان نے چاہا تو الیکشن بھی لڑیں گے۔

سماجی رابطے کی ویب سائٹ پر شہباز گل نے کہا کہ کچھ سیاسی مسخرے اپنے آپ کو خبروں میں رکھنے کے لئے آئے دن ان کے امریکہ واپس جانے کی جھوٹی پیش گوئیاں کرتے رہتے ہیں، ایسے مسخروں پر واضح کر دوں کہ واپس جانے کے لئے نہیں آیا۔

کچھ سیاسی مسخرے اپنے آپ کو خبروں میں رکھنے کے لئے آئے دن میرے امریکہ واپس جانے کی جھوٹی پیشن گوئیاں کرتے رہتے ہیں۔

میں ایسے مسخروں پر واضح کر دوں کہ واپس جانے کے لئے نہیں آیا۔ جتنا پیسہ آپ شریفوں کی کرپشن میں مددکر کے کماتے تھے اس سے زیادہ پیسوں کی نوکری عمران خان پرقربان کی ہے

— Dr. Shahbaz GiLL (@SHABAZGIL) November 20, 2021

شہبازگل نے کہا ہے کہ جتنا پیسہ آپ شریفوں کی کرپشن میں مددکر کے کماتے تھے۔۔اس سے زیادہ پیسوں کی نوکری عمران خان پرقربان کی ہے،جب تک ہمت ہے مسخروں اور ان کے تماش بینوں کی کرپشن کا ڈٹ کر مقابلہ کروں گا۔

شہباز گل نے کہا کہ کپتان حکومت میں ہو یا اپوزیشن میں، وہ اپنے کپتان کے ساتھ کھڑا ہوں گے، ‏مجھے پتہ ہے مسخروں اور ان کے لیڈروں کومیری بہت تکلیف ہے،زندگی موت عزت اللہ کے ہاتھ ہے۔