سیاروں سے زمین کا دفاع کرنے کے لیے ناسا نے دنیا کا پہلا خلائی جہاز تیار کر لیا، جو آج لانچ کیا جائے گا۔
اس مشن سے ناسا یہ اندازہ لگانا چاہتی ہے کہ کیا خلائی جہاز سیاروں کا راستہ بدل سکتے ہیں یا نہیں۔ رائٹرز کے مطابق ناسا نے سیاروں کے دفاعی ٹیسٹ مشن کے لیے ڈبل ایسٹرائڈ ری ڈائریکشن ٹیسٹ (DART) کو متعارف کرایا ہے.
LIVE NOW: Tune in as #DARTMission leaders share the details of our upcoming launch to test asteroid deflection technology. Get to know the mission https://t.co/TJn4hq8QKW
Have asteroid questions? Send them over with #AskNASA! https://t.co/4VbGZo2c2u
— NASA (@NASA) November 21, 2021
خلائی جہاز آج کیلیفورنیا سے سیاروں سے ٹکرانے کے مشن پر لانچ کر دیا جائے گا۔
یہ بھی پڑھیں: 200 روز بعد ناسا کے خلابازوں کی زمین پر واپسی
ڈارٹ خلائی جہاز ڈبل سیارچہ ڈیمورفوس اور اس کے چاند ڈیڈیموس کو نشانہ بنائے گا۔ ڈارٹ ٹیم کے مطابق ان میں سے کوئی سیارچہ زمین کے لیے خطرہ نہیں ہے۔
ناسا کی ٹیم کا کہنا ہے کہ ہم ایسی صورتحال میں نہیں رہنا چاہتے جہاں کوئی سیارچہ زمین کر طرف بڑھ رہا ہو اور ہم کچھ کر نہ سکیں، ناسا اس مشن کے ذریعے خلائی جہاز کی صلاحیت کو آزمانا چاہتے ہیں، اور ٹکرانے کے بعد سیارچے کے ردعمل کو کا بھی جائزہ لیں گے۔
ڈارٹ، جو کیلیفورنیا کے وینڈنبرگ ایئر فورس بیس سے شروع ہوگا، 2022 کے موسم خزاں میں ڈیمورفوس اور ڈیڈیموس تک پہنچے گا۔