سیالکوٹ واقعے نے ملک و ملت کو بدنام کیا، علمائے کرام

سیالکوٹ واقعے نے ملک و ملت کو بدنام کیا، علمائے کرام

اسلام آباد: علمائے کرام نے کہا ہے کہ سیالکوٹ واقعے نے دنیا بھر میں ملک و ملت کو بدنام کیا۔

مفتی منیب الرحمان نے اپنے ایک بیان میں کہا ہے کہ گزشتہ روز سیالکوٹ میں انتہائی ناخوشگوار سانحہ رونما ہوا جس کی ہم شدید مذمت کرتے ہیں۔

انہوں نے کہا کہ ہمارے ملک میں آئینی اور قانونی نظام موجود ہے اس لیے قانون ہاتھ میں لینے کا جواز نہیں ہے۔

یہ بھی پڑھیں: سیالکوٹ واقعہ:تشدد سے ہلاکت کے بعد لاش کو جلایا گیا، ابتدائی تفتیش

عالم دین مفتی تقی عثمانی نے بھی سیالکوٹ واقعے پر ردعمل میں کہا کہ توہین رسالت ﷺ انتہائی سنگین جرم ہے اور مضبوط ثبوت بھی اتنے ہی ضروری ہیں۔

انہوں نے کہا کہ کسی پر یہ الزام لگا کر خود ہی وحشیانہ اور حرام طریقے سے سزا دینے کا جواز نہیں ہے۔ سیالکوٹ واقعے نے مسلمانوں کی بھونڈی تصویر دکھا کر ملک و ملت کو بدنام کیا ہے۔


متعلقہ خبریں