مسلم لیگ ن کی نائب صدر مریم نواز نے کہا ہے کہ میرے بیٹے کی شادی ایک نجی اور خاندانی معاملہ ہے۔
سماجی رابطے کی ویب سائٹ ٹوئٹر سے جاری پیغام میں انہوں نے اپیل کی کہ ہر ماں کی طرح مجھے بھی یہ حق حاصل ہے کہ میں اپنے بیٹے کی شادی کی تقریبات مناؤں۔
انہوں نے کہا کہ سب سے درخواست ہے کہ ہمارے خاندان کی رازداری کا احترام کریں۔
My son’s wedding is a private,family affair. I,like all mothers,deserve a chance to celebrate the occasion without attracting political commentary. I humbly request media and everyone else to respect the family’s right to privacy. Thank you ??
— Maryam Nawaz Sharif (@MaryamNSharif) December 7, 2021
دوسری جانب وفاقی وزیر توانائی حماد اظہر نے مریم نواز کی اپیل کی حمایت کرتے ہوئے کہا ہے کہ سب کو مریم نواز کی نجی زندگی کے معاملات پر تبصرہ کرنے سے گریز کرنا چاہئے۔
اپنی ٹوئٹ میں انہوں نے مریم نواز کو مخاطب کرتے لکھا کہ آپ بالکل ٹھیک کہ رہی ہیں تاہم آپ نے خود وزیراعظم عمران خان کے میچ دیکھنے کی تصویر پر سیاسی تبصرے کئے تھے۔
انہوں نے کہا کہ آپ نے وزیراعظم کی اہلیہ پر الزامات لگائے جب کہ آپ کے میڈیا سیل سے لوگوں پر ذاتی حملے بھی کئے گئے۔
ان کا کہنا تھا کہ اس سب کے باوجود میں بھی عوام سے درخواست کروں گا کہ وہ آپ کی ذاتی زندگی پر سیاسی تبصروں سے گریز کریں۔
حماد اظہر نے کہا کہ ہر فرد کی رازداری مقدس ہے اور کسی بھی حالت میں اس کی خلاف ورزی نہیں ہونی چاہیے۔ خواہ دوسرے شخص کا طرز عمل ایسے حالات میں کیسا ہی رہا ہو۔
You are absolutely right. However you did some political commentary about the Prime Minister & his ministers watching a cricket match 2 months ago. You have also made pathetic insinuations about the PM’s wife. Your media cell is also rumoured to target ppl in most personal ways. https://t.co/PsejjxOsMI
— Hammad Azhar (@Hammad_Azhar) December 7, 2021
