آئی سی سی نے ٹی ٹوئنٹی پلیئرز رینکنگ جاری کر دی ہے، پاکستانی کپتان بابر اعظم کی ٹی 20 اور ٹیسٹ رینکنگ میں تنزلی کا سامنا ہے۔
پاکستان کپتان بابر اعظم کی بنگلہ دیش کے خلاف ٹی ٹوئنٹی اور ٹیسٹ سیریز میں ناقص کارکردگی سے ان کی رینکنگ میں تنزلی ہوئی ہے۔ بابر اعظم ٹی 20 رینکنگ میں پہلے سے تیسرے نمبر پر آ گئے جبکہ ٹیسٹ رینکنگ میں 8ویں سے 9ویں پر آگئے ہیں۔
Australia’s batters and Pakistan’s pacers make significant gains in the latest @MRFWorldwide ICC Men’s Test Player Rankings ?
Details ? https://t.co/kkMymOpUSW pic.twitter.com/SeCzbldK5g
— ICC (@ICC) December 15, 2021
ٹی ٹوئنٹی رینکنگ میں انگلینڈ کے ڈیوڈ ملان پہلے اور جنوبی افریقہ کے ایڈن مارکرم دوسرے نمبر پر ہیں، جبکہ پاکستان کے وکٹ کیپر بیٹس مین محمد رضوان کا چوتھا نمبر ہے۔
ٹی ٹوئنٹی رینکنگ میں آل راونڈر میں افغانستان کے محمد نبی کا پہلا نمبر ہے۔
یہ بھی پڑھیں: ویسٹ انڈیز کی ٹیم کو آسان نہیں لیا جا سکتا، بابر اعظم
ٹی ٹوئنٹی بالنگ رینکنگ میں شاداب خان ایک درجہ بہتری سے 9ویں نمبر پر آ گئے ہیں۔ فاسٹ بالر شاہین آفریدی کا بالنگ رینکنگ میں 11واں نمبر ہے۔ فاسٹ بالر شاہین آفریدی ٹیسٹ کی بالنگ رینکنگ میں 5ویں سے تیسری پوزیشن پر آ گئے ہیں۔
آئی سی سی ٹیسٹ ریکنگ میں انگلش کپتان جو روٹ کا پہلا نمبر ہے، آسٹریلیا کے مارنس لبوشین دوسرے اور اسٹیون اسمتھ تیسرے نمبر پر ہیں۔
بالرز ٹیسٹ رینکنگ میں پاکستان کے شاہین آفریدی تیسرے اور حسن علی10ویں نمبر پر ہیں۔
