سابق چیف جج گلگت بلتستان رانا شمیم کا کہنا ہے کہ بیان حلفی ریکارڈ کرواتے وقت وہ اکیلے تھے۔
گلگت بلتستان کے سابق چیف جج رانا شمیم بیان حلفی کیس میں اسلام آباد ہائیکورٹ میں پیش ہوئے۔
انہوں نے بیان حلفی نواز شریف کے سامنے ان کے دفتر میں نوٹیرائزکرانے کی خبروں کی تردید کر دی۔
صحافی نے ان سے سوال کیا کہ کہا جا رہا ہے کہ آپ نےنوازشریف کے ساتھ بیٹھ کر بیان حلفی بنایا۔
یہ بھی پڑھیں:رانا شمیم نے حلف نامہ نوازشریف کےسامنے نوٹیرائز کرایا،فواد چودھری
رانا شمیم نے جواب دیا کہ یہ بات تو انہی سے پوچھیں جو ایسا کہہ رہے ہیں۔ میں نے اکیلے یہ حلف نامہ دیا تھا۔
یاد رہے کہ وفاقی وزرا کی جانب سے اخبار کی خبر شیئر کی گئی تھی جس میں دعویٰ کیا گیا تھا کہ رانا شمیم نے بیان حلفی نواز کے سامنے ان کے دفتر میں بیٹھ کے نوٹیرائز کروایا تھا۔
