افغانستان میں طالبان پر تنقید کرنے پر معروف یونیورسٹی پروفیسر کو گرفتار کر لیا گیا ہے۔ جس کی تصدیق طالبان ترجمان ذبیح اللہ مجاہد نے کی۔
ترجمان کا کہنا تھا کہ پروفیسر فیض اللہ جلال کو انیٹلیجنس کے شعبے نے حراست میں لیا ہے، ان پر الزام عائد ہے کہ انہوں نے سوشل میڈیا ہے نامناسب تبصروں کے ذریعے لوگوں کو حکومت کے خلاف بھڑکایا اور لوگوں کی عزتیں اچھالیں۔
یہ بھی پڑھیں: کراچی:کالعدم تحریک طالبان پاکستان کے 2مبینہ دہشت گردگرفتار
جس کے بعد پروفیسر کی بیٹی نے ٹویٹ میں خبر کی تصدیق کرتے ہوئے اپنے والد کی فوری رہائی کا مطالبہ کیا۔
افغانستان کے سب سے بڑے ٹی وی چینل طلوع نیوز جہاں پروفیسر فیض اللہ جلال مبصر کے طور پر دیکھے جاتے تھے، نے سکیورٹی ذرائع کے حوالے سے اپنی ٹویٹ میں لکھا کہ ’انہیں مبینہ طور پر حکومتی اداروں پر الزامات لگانے پر گرفتار کیا گیا ہے۔
یاد رہےکہ افغانستان کے صدارتی انتخابات میں تاریخ میں پہلی بار حصہ لینے والی خاتون مسعودہ جلال، پروفیسر فیض اللہ جلال کی اہلیہ ہیں۔ انہوں نے 2004 میں سابق صدر حامد کرزئی کے خلاف الیکشن لڑا تھا۔
