ویکسین لگوانے پر معذور شخص بولنے اور چلنے لگا


نئی دہلی: بھارت میں کورونا ویکسین لگوانے والے معذور شخص نے حیرت انگیز طور پر بولنا اور چلنا شروع کر دیا۔

بھارتی ریاست جھاڑ کھنڈ کے علاقے بوکارو میں 55 سالہ شخص دُلار چند مونڈا نے 4 جنوری کو کورونا ویکسین لگوائی تھی جس کے اگلے روز ہی اس کی معذور آہستہ آہستہ ٹھیک ہونا شروع ہو گئی۔

ویکسین لگوانے کے اگلے روز ہی دُلار چند کی ٹانگوں نے حرکت شروع کی اور بعد ازاں ان کی آواز بھی بہتر ہونے لگی اور وہ باتیں کرنا شروع ہو گئے۔

بھارتی شہری میں حیرت انگیز تبدیلی نے ڈاکٹروں کو بھی حیران کر دیا اور تفتیش کے لیے سول اسپتال کے ڈاکٹروں کی ٹیم تشکیل دے دی۔

دلار چند کا 4 سال قبل ایک حادثے میں اعصابی نظام شدید متاثر ہوا تھا اور وہ قوت گویائی اور چلنے پھرنے کی صلاحیت سے محروم ہو گئے تھے۔

یہ بھی پڑھیں: بل بورڈ پر شادی کا اشتہار، ایک ہزار رشتے آ گئے

بھارتی شہری کا کہنا ہے کہ یہ ویکسین کا کمال ہے کہ جس نے انہیں بولنے اور چلنے پھرنے کی صلاحیت سے واپس دلا دی۔

سول اسپتال کے ڈاکٹر جتیندرا نے کہا کہ اس تمام تر صورتحال کا جائزہ لے رہے ہیں اور اس کا حتمی فیصلہ ماہرین ہی کریں گے کیونکہ 4 سال پرانی کیفیت کا یکدم ٹھیک ہو جانا ناقابل یقین ہے۔


متعلقہ خبریں