ن لیگ کو ججز اور عدالتوں کا گھیراؤ نہیں کرنے دیں گے، فرخ حبیب


وزیر مملکت برائے اطلاعات فرخ حبیب نے کہا ہے کہ رانا ثناء اللہ کا بیان عدلیہ پر حملہ ہے۔ ن لیگ نے رانا ثنا اللہ کے بیان کی تردید تک نہیں کی۔

انہوں نے کہا کہ بڑھکیں کہیں اور جاکر ماریں لیکن عدالت میں جواب دیں ۔ ہم ن لیگ کو ججز اور عدالتوں کا گھیراؤ نہیں کرنے دیں گے ۔ شہباز شریف اور مریم صفدر رانا ثناء اللہ کے بیان کی تردید کریں اور معافی مانگیں۔

وزیر مملکت  فرخ حبیب نے تحریک انصاف کے سابق رہنما اکبر ایس بابر کو فارن فنڈنگ کیس سے الگ کرنے کا مطالبہ کر دیا۔ الیکشن کمیشن کے باہر میڈیا سے گفتگو میں انہوں نے کہا کہ الیکشن کمیشن خود کیس سنے۔ قانون کے مطابق تمام سیاسی جماعتوں کے اکاؤنٹ چیک ہونے چاہیں ۔

یہ بھی پڑھیں: نواز شریف واپسی کا فیصلہ خود کرینگے، ان ہاؤس تبدیلی کا امکان ہے: رانا ثنااللہ

ان کا کہنا تھا کہ 64 کروڑ کا حساب ن لیگ کے پاس نہیں ہے، ن لیگ کے 9 اکاؤنٹس خفیہ تھے جو چھپائے گئے، پیپلز پارٹی نے 35 کروڑ کا ریکارڈ نہیں دیا۔

اسکروٹنی کمیٹی کے ممبر کی ریٹائرمنٹ کے بعد سکروٹنی کمیٹی غیر فعال ہوچکی ہے ۔ الیکشن کمیشن سے درخواست ہے سکروٹنی کمیٹی کو دوبارہ فعال کیا جائے ۔ اسکروٹنی کمیٹی ن لیگ اور پیپلز پارٹی کی رپورٹ بھی جلد مرتب کرے۔

متعلقہ خبریں