امریکی خلائی ایجنسی ناسا نے بین الاقوامی خلائی اسٹیشن کو 2031 تک ختم کرنے کا منصوبہ بنا لیا ہے۔
دو ہزار میں لانچ کیا گیا خلائی اسٹیشن بحرالکاہل کے پوائنٹ نیمو میں گرایا جائے گا۔ یہ علاقہ نیوزی لینڈ کے مشرقی ساحل سے 3 ہزار میل اور انٹارکٹیکا سے 2 ہزار میل شمال میں ہے۔
امریکا، روس، جاپان اور یورپی ممالک 1971 سے اب تک وہاں خلائی ملبے کے 263 سے زیادہ ٹکڑے ڈال چکے ہیں۔ ناسا کے مطابق تجارتی طور پر چلنے والے خلائی پلیٹ فارمز تعاون اور سائنسی تحقیق کے لیے خلائی اسٹیشن کی جگہ لیں گے۔
یہ بھی پڑھیں: آخری مرحلے میں بھی کامیابی، ناسا کی دوربین کائنات کے رازوں تک پہنچنے کو تیار
یاد رہے اس وقت خلا میں ناسا کی دنیا کی سب سے بڑی دوربین نے کامیابی سے دو مرحلے مکمل کر لیے ہیں، دوسرے مرحلے میں جیمز ویب ٹیلی سکوپ کا سب سے بڑا آئینہ مکمل طور پر کھل گیا ہے اور اب یہ دوربین فوکس کرنے کے لیے تیار ہے۔
جدید جیمز ویب دوربین کی مدد سے اب کائنات کے کئی ایسے حصوں پر تحقیق کی جا سکے گی جو اب تک انسان کی پہنچ سے بہت دور تصور کئے جاتے تھے.
