کینبرا: آسٹریلیا کے سابق کپتان اور بہترین بلے باز رکی پونٹنگ پاکستانی ٹیم کے کپتان بابر اعظم کی تعریف کیے بغیر نہ رہ سکے۔
غیر ملکی خبر رساں ایجنسی کے مطابق آسٹریلیا کے سابق کپتان اور ماضی میں ٹیسٹ کرکٹ کے بہترین بلے بازوں میں شمار ہونے والے اسٹائلش بیٹر رکی پونٹنگ نے پاکستان کرکٹ ٹیم کے کپتان بابر اعظم سے متعلق اہم پیش گوئی کر دی۔
رکی پونٹنگ نے کہا کہ میں پہلے بھی کہہ چکا ہوں پاکستان کرکٹ ٹیم کے کپتان بابر اعظم کے لیے ترقی کی کوئی حد نہیں ہے اور یہ صرف وقت کی بات ہے۔ میں پہلے بھی سمجھتا تھا بابر اعظم یا تو ٹیسٹ کا نمبر ون بیٹر بنے گا یا پھر یقینی طور پر اس نمبر کو چیلنج کرے گا۔
Ricky Ponting believes Babar Azam can become the No. 1 Test batter in the world ? pic.twitter.com/oHkirw04lv
— ESPNcricinfo (@ESPNcricinfo) February 4, 2022
خیال رہے کہ قومی ٹیم کے کپتان بابر اعظم اس وقت ٹی ٹوئنٹی اور ایک روزہ میچوں میں نمبر ون پر ہیں جبکہ ٹیسٹ رینکنگ میں ان کا نمبر نواں ہے اور ان کے ریٹنگ پوائنٹس کی تعداد 750 ہے۔
