بھارتی گلوکارہ لتا منگیشکر کے انتقال پر بھارت میں دو روزہ قومی سوگ کا اعلان کیا گیا ہے۔ بھارتی وزیراعظم نریندر مودی نے لتا منگیشکر کے انتقال پر گہرے دکھ کا اظہار کیا ہے۔
ٹوئٹر پر جاری کیے گئے بیان میں نریندر مودی نے کہا کہ میں بہت دُکھی ہوں کیونکہ ہماری لتا دیدی ہمیں چھوڑ کر چلی گئیں۔ وہ ہماری قوم میں ایک خلا چھوڑ گئی ہیں جسے کبھی پر نہیں کیا جا سکتا۔
I am anguished beyond words. The kind and caring Lata Didi has left us. She leaves a void in our nation that cannot be filled. The coming generations will remember her as a stalwart of Indian culture, whose melodious voice had an unparalleled ability to mesmerise people. pic.twitter.com/MTQ6TK1mSO
— Narendra Modi (@narendramodi) February 6, 2022
نریندر مودی نے کہا کہ آنے والی نسلیں انہیں بھارتی ثقافت کی ایک باوقار شخصیت کے طور پر یاد رکھیں گی۔ جن کی سریلی آواز میں لوگوں کو مسحور کرنے کی بے مثال صلاحیت تھی۔
مودی نے کہا کہ لتا دیدی کے گانوں نے طرح طرح کے جذبات کو جنم دیا۔ انہوں نے کئی دہائیوں تک بھارتی فلمی دنیا کی تبدیلیوں کو قریب سے دیکھا ۔بھارتی وزیراعظم نے یہ بھی کہا کہ وہ ہمیشہ بھارت کی ترقی کے بارے میں پرجوش تھیں۔ وہ ہمیشہ ایک مضبوط اور ترقی یافتہ بھارت دیکھنا چاہتی تھیں۔
Lata Didi’s songs brought out a variety of emotions. She closely witnessed the transitions of the Indian film world for decades. Beyond films, she was always passionate about India’s growth. She always wanted to see a strong and developed India. pic.twitter.com/N0chZbBcX6
— Narendra Modi (@narendramodi) February 6, 2022
انہوں نے کہا کہ میں اسے اپنا اعزاز سمجھتا ہوں کہ مجھے لتا دیدی سے ہمیشہ بے پناہ پیار ملا ہے۔ ان کے ساتھ میری بات چیت ناقابل فراموش رہے گی۔ مودی نے مزید کہا کہ میں لتا دیدی کی موت پر اپنے ہم وطنوں کے ساتھ غمزدہ ہوں اور ان کے اہل خانہ سے تعزیت کا اظہار کرتا ہوں۔
I consider it my honour that I have always received immense affection from Lata Didi. My interactions with her will remain unforgettable. I grieve with my fellow Indians on the passing away of Lata Didi. Spoke to her family and expressed condolences. Om Shanti.
— Narendra Modi (@narendramodi) February 6, 2022
واضح رہے کہ لتا منگیشکر 92 سال کی عمر میں انتقال کر گئیں ہیں۔ وہ گزشتہ مہینے کورونا میں مبتلا ہو گئیں تھیں۔