راولپنڈی: پاک افغان بارڈر پر دہشت گردوں نے سرحد پار سے فائرنگ کی ہے جس کے نتیجے میں پانچ سیکیورٹی اہلکاروں نے جام شہادت نوش کیا ہے۔
پنجگور، نوشکی میں سیکیورٹی فورسز کے آپریشن، 13 دہشتگرد ہلاک،7جوان شہید
ہم نیوز نے پاک فوج کے شعبہ تعلقات عامہ ( آئی ایس پی آر) کے حوالے سے بتایا ہے کہ دہشت گردوں نے ضلع کرم میں پاک افغان بارڈر پر سیکیورٹی فورسز کو نشانہ بنایا ہے۔
آئی ایس پی آر کے مطابق دہشت گردوں کی جانب سے کی جانے والی فائرنگ سے پانچ سیکیورٹی اہلکار شہید ہو گئے ہیں۔
شہدا میں لانس نائیک عجب نور، سپاہی ضیا اللہ، سپاہی ناہید اقبال، سپاہی سمیر اللہ اور سپاہی ساجد علی شامل ہیں۔
بلوچستان: دہشتگردوں کا سیکیورٹی فورسز پر حملہ, 10 جوان شہید, ایک دہشتگرد ہلاک
آئی ایس پی آر کے مطابق لانس نائیک عجب نور کا تعلق کراچی، سپاہی ضیا اللہ کا تعلق لکی مروت، سپاہی ناہید اقبال کا تعلق کرک، سپاہی سمیر اللہ کا تعلق بنوں اور سپاہی ساجد علی کا تعلق بہاولنگر سے ہے۔
ہم نیوز نے آئی ایس پی آر کے حوالے سے بتایا ہے کہ سیکیورٹی فورسز نے بھرپور جوابی کارروائی کی ہے جس کے باعث دہشت گردوں کو بھاری نقصان پہنچا ہے۔
آئی ایس پی آر نے واضح کیا ہے کہ افغان سرزمین کے پاکستان کے خلاف استعمال ہونے کی شدید مذمت کرتے ہیں اور ساتھ ہی امید ظاہر کی ہے کہ افغانستان کی عبوری حکومت ایسی سرگرمیوں کو روکے گی۔
میر علی میں دہشتگردوں کی فائرنگ، 4 جوان شہید
ہم نیوز نے آئی ایس پی آر کے حوالے سے کہا ہے کہ پاک فوج ملکی سرحدوں کو دہشتگردی سے محفوظ رکھنے کے لیے پرعزم ہے۔ آئی ایس پی آر کے مطابق بہادر جوانوں کی قربانیوں نے ہمارا عزم مزید پختہ کر دیا ہے۔
