پاکستان سپر لیگ(پی ایس ایل) 7 کے سولہویں میچ میں ملتان سلطانز نے پشاور زلمی کو 42 رنز سے شکست دے دی۔
قذافی اسٹیڈیم لاہور میں کھیلے گئے میچ میں پشاور زلمی کی ٹیم ملتان سلطانز کی جانب سے دیا گیا 183 رنز کا ہدف حاصل کرنے میں ناکام رہی اور 140 رنز پر آل آؤٹ ہو گئی۔
پشاور زلمی کی جانب سے شعیب ملک نے 44 اور لیونگ اسٹون نے 24 رنز کی اننگز کھیلی۔ سلطانز کے بلیسنگ موزربانی اور خوش دل شاہ نے تین، تین جب کہ شاہ نواز دھانی نے دوکھلاڑیوں کو آؤٹ کیا۔
اس سے پہلے زلمی کے کپتان وہاب ریاض نے ٹاس جیت کر بولنگ کا فیصلہ کیا۔ ملتان سلطانز نے مقررہ اوورز میں 7 وکٹوں پر 182 رنز بنائے۔
سلطانز کی جانب سے شان مسعود نے 68 محمد رضوان اور ٹم ڈیوڈ نے 34 ،34 رنز کی اننگز کھیلی۔
پشاورزلمی کے وہاب ریاض، سلمان ارشاد اور ثاقب محمود نے 2،2 وکٹیں حاصل کیں۔
واضح رہے کہ ملتان سلطانز کی اس ٹورنامنٹ میں یہ مسلسل چھٹی فتح ہے۔
News from GSL is that the @PeshawarZalmi have won the toss and will be bowling first! #HBLPSL7 l #LevelHai l #MSvPZ pic.twitter.com/VfWmiYnefF
— PakistanSuperLeague (@thePSLt20) February 10, 2022
