نیپال کرکٹ ٹیم کے وکٹ کیپر آصف شیخ نے آئرلینڈ کے کھلاڑی اینڈی مک برائن کو رن آؤٹ نہ کرکے دل جیت لیے۔
عمان میں جاری چار ملکی ٹی20 سیریز میں آئرلینڈ نے نیپال کوشکست دے کر میچ جیت لیا لیکن نیپالی وکٹ کیپر نے کپتان کے اشارے پرآئرش پلیئر کو آوٹ نہ کر کے سپرٹ آف کرکٹ کا مظاہرہ کیا۔
آئرلینڈ کے خلاف میچ میں نیپال کے بالر کمال سنگھ ایری گیند کرانے کے بعد آئرلینڈ کے بلے باز اینڈی مک برائن سے حادثاتی طور پر ٹکرا گئے۔
بیٹر رن لیتے ہوئے پچ پر گر گئےاور کریز پر نہ پہنچ سکے۔ بالر نے گیند وکٹ کیپر کی طرف اچھال کر رن آوٹ کرنے کا اشارہ کیا لیکن کپتان سندیپ لیمچنے نے انہیں آوٹ نہ کرنے کی ہدایت کی اور وکٹ کیپر آصف شیخ نے رن آؤٹ نہیں کیا۔
کرکٹ کمنٹیٹر اینڈیریو لیونارڈ نے سوشل میڈیا ویب سائٹ ٹوئٹر پر ویڈیو شیئر کرتے ہوئے لکھا کہ یہ بہت متاثرکن لمحہ تھا جو دنیا بھر میں وائرل ہوگیا ۔
1/9) 🎙️It’s been so inspiring to see this moment go that viral around the world. There’s a few things I might not have got across in the moment on commentary that I wanted to explain as to what made it so special & why Nepali cricket should be so proud
A #SpiritofCricket thread pic.twitter.com/CoqSt8uw3x
— Andrew Leonard (@CricketBadge) February 15, 2022
چار ملکی سیریز کا یہ ٹی20 میچ آئرلینڈ نے جیت لیا مگر دنیا بھر میں کرکٹ شائقین کے دل نیپال کرکٹ ٹیم کے وکٹ کیپر آصف شیخ نے جیت لیے۔
