ٹی ٹوئنٹی پر بابر اور رضوان کا راج

ٹی ٹوئنٹی رینکنگ میں پاکستانی کپتان بابر اعظم کی حکمرانی برقرار ہے۔ آئی سی سی نے ٹی ٹوئنٹی فارمیٹ کی نئی رینکنگ جاری کردی۔ کپتان بابر اعظم بلے بازوں میں پہلے نمبر پر ہیں جب کہ محمد رضوان کا دوسرا نمبر ہے۔

بیٹنگ رینکنگ میں جنوبی افریقہ کے ایڈن مارکرم کی تیسری پوزیشن ہے۔ بھارت کے لوکیش راہول چوتھے نمبر پر ہیں جب کہ انگلینڈ کے ڈیوڈ ملان کا پانچواں نمبر ہے۔

نیوزی لینڈ کے ڈیون کونوے بیٹنگ رینکنگ میں ایک درجہ ترقی کے بعد چھٹی پوزیشن پر پہنچ گئے۔ آسٹریلوی کپتان ایرون فنچ ایک درجہ تنزلی کے بعد ساتویں نمبر پر آگئے۔

👑 New number one T20I bowler
🚀 Rohan Mustafa launches into the top-10
⏫ Josh Hazlewood climbs four spots after an incredible performance against Sri Lanka

Some big movements in the latest @MRFWorldwide ICC Men’s Player Rankings for T20Is.

Details 👉 https://t.co/YrLa53Ls5E pic.twitter.com/otGbDw3B0r

— ICC (@ICC) February 16, 2022

جنوبی افریقہ کے وین ڈر ڈوسن آٹھویں اور نیوزی لینڈ کے مارٹن گپٹل نویں نمبر پر ہیں جب کہ بھارت کے ویرات کوہلی کا دسواں نمبر ہے۔

بالرز میں جنوبی افریقی اسپنر تبریز شمسی کا پہلا نمبر ہے۔ ٹاپ ٹین میں پاکستان آل راؤنڈر شاداب خان شامل ہیں جن کا 9واں نمبر ہے۔ آل راؤنڈرز میں کوئی پاکستانی ٹاپ 10 میں شامل نہیں۔