نئی دہلی: بھارتی وزیر اعظم نریندر مودی نے ایک بار پھر بھارتی عوام کو بےوقوف بنا ڈالا۔
بھارتی میڈیا کے مطابق بھارتی وزیر اعظم نریندر مودی نے نئی دہلی میں ایک مندر کا دورہ کیا اور اس دوران مندر میں پوجا بھی کی۔
مندر میں پوجا کے بعد مودی کے سامنے مہمانوں کے تاثرات درج کرنے کا رجسٹر لایا گیا جہاں مودی نے اپنی عوام کو بےوقوف بنانے کی کوشش کی لیکن وہ کیمرے میں ریکارڈ ہو گئی۔
مودی کے سامنے لائے گئے تاثرات رجسٹر میں پہلے سے ہی لکھا ہوا تھا تاہم مودی ڈرامہ کرتے ہوئے اس لکھے ہوئے پر ہاتھ چلاتے رہے جیسے وہ واقعی کچھ لکھ رہے ہیں لیکن ان کی یہ حرکت کیمرے میں ریکارڈ ہو گئی جس میں دیکھا جا سکتا ہے کہ مودی اپنا قلم ہوا میں چلا رہے ہیں جبکہ رجسٹر میں پہلے سے ہی لکھا ہوا ہے۔
یہ بھی پڑھیں: اعلیٰ عدلیہ کو قومی معاملات پر نوٹس لینا چاہیے، بلاول بھٹو
حقیقت سامنے آنے پر سوشل میڈیا پر لوگوں نے مودی کو بہت لتاڑا اور مودی کو بڑا ایکٹر قرار دیا تو کسی نے تنقید کا نشانہ بناتے ہوئے اسے بچکانہ حرکت قرار دیا۔
اسی طرح گذشتہ ماہ نریندر مودی ورلڈ اکنامک فورم سے آن لائن خطاب کر رہے تھے کہ اچانک ٹیلی پرامٹر بند ہوا اور وہیں مودی کی ساری اکڑ بھی خاک میں مل گئی اور ان کے لیے منہ سے ایک لفظ بھی نکالنا مشکل ہو گیا تھا۔
مودی ہیڈ فونز لگا کر لڑکھڑاتی آواز میں پوچھتے رہے کہ کیا میری آواز آ رہی ہے؟ لیکن یہ آواز بھی ان کے منہ میں کہیں گم ہی ہو گئی تھی۔
مودی کے ایسے بین الاقوامی سطح پر ایک لفظ بھی نہ بول پانے سے پورے بھارت کو دنیا کے سامنے شرمندگی کا سامنا کرنا پڑا تھا جو سوشل میڈیا پر ٹاپ ٹرینڈ بھی بنا۔
