جنیوا: آرگنائزڈ کرائم اینڈ کرپشن رپورٹنگ پروجیکٹ (او سی سی آر پی) کی جانب سے دنیا کو دہلا دینے والے حقائق منظر عام پر آگئے ہیں۔
پینڈورا پیپرز: پبلک اکاؤنٹس کمیٹی میں ایف بی آر سمیت دیگر اداروں کی طلبی
ہم نیوز کے مطابق کچھ دیر قبل سوئس سیکرٹس کے نام سے سوئس بینکوں میں 100 ارب ڈالرز سے زائد بینک اکاؤنٹس کی تفصیلات او سی سی آر پی نے سامنے لانے کا اعلان کیا تھا۔
اس سلسلے میں منظر عام پر آنے والی اطلاعات کے تحت او سی سی آر پی نے سوئٹزرلینڈ کے ایک بینک کے 18 ہزار اکاؤنٹس کی تفصیلات شائع کردی ہیں۔
شائع شدہ تفصیلات کے تحت سوئس بینک کے70 سے زائد سال کے بینک اکاؤنٹس ڈیٹا کی تفصیلات جاری کی گئی ہیں۔
اس ضمن میں بتایا گیا ہے کہ اکاؤنٹس میں 100 ارب ڈالرز سے زائد کی رقوم کے ریکارڈ کی تحقیقات کی گئیں۔
شائع شدہ تفصیلات کے تحت قازقستان کے صدر کے خاندان کے سوئس بینکوں میں 17 ارب سے زائد کے اثاثے ہیں۔
پاکستان سے تعلق رکھنے والے واپڈا کے سابق چیئرمین زاہد علی اکبرکے خفیہ اکاؤنٹ کا بھی سوئس سیکریٹس میں انکشاف کیا گیا ہے۔
جعلی اکاؤنٹس کیس: 300 سے زائد افراد کے ملوث ہونے کا انکشاف
تفصیلات کے تحت زاہد علی اکبر خان کے خفیہ سوئس اکاؤنٹ میں 3 ارب روپے جمع کرائے گئے۔ واضح رہے کہ
زاہد علی اکبر پر واپڈا میں 176 ملین روپے کی خورد برد کا الزام تھا۔
2006 میں زاہد علی اکبر کے وارنٹ گرفتاری جاری ہوئے تھے۔ وہ 1987 میں پاکستان کرکٹ بورڈ کے چیئرمین بھی رہے تھے۔
او سی سی آرپی نے اس حوالے سے کہا ہے کہ 100 ارب ڈالرز سے زائد کے بینک اکاؤنٹس کی تفصیلات سامنے آئی ہیں جو مجموعی طورپر18 ہزار بینک اکاؤنٹس کی تفصیلات پر مشتمل ہیں۔
UPCOMING: Leaked records of 18,000 bank accounts holding assets worth $100+ billion.
OCCRP and 47 other media outlets have been working on one of the world’s largest investigations into the shadowy world of Swiss banking.
It’s called #SuisseSecrets pic.twitter.com/H5DEb81ahQ
— Organized Crime and Corruption Reporting Project (@OCCRP) February 20, 2022
او سی سی آر پی کی جانب سے جاری کردہ تفصیلات کے مطابق جنرل اختر عبدالرحمان کے بیٹوں کے نام بھی سامنے آئے ہیں۔
پنڈورا باکس پانامہ لیکس سے زیادہ خطرناک ہو گا، رحمان ملک
اس سلسلے میں شائع شدہ تفصیلات کے تحت ہارون اختر ، اکبر اور غازی کے نام سے مشترکہ اکاونٹس 1985 میں کھولے گئے اور اس وقت کاؤنٹس میں 3.7ملین ڈالرز یعنی 64 کروڑ روپے رکھے گئے۔
جاری کردہ تفصیلات میں بتایا گیا ہے کہ اکبر کے نام پر ایک اور اکاونٹ 1986 میں کھولا گیا اور اس اکاؤنٹ میں نومبر 2010 تک ایک ارب 60 کروڑ روپے سے زائد رقم موجود تھی۔
او سی سی آر پی کے مطابق ہارون اختر اور اکبر نے ان کے سوالات کے جواب نہیں دیے جب کہ اکبر غازی نے کہا کہ سوئس اکاونٹس سے متعلق خبر درست نہیں ہے۔
سوئس سیکرٹس کے مطابق ان اکاؤنٹس میں موجود رقوم کی مالیت 100 ارب ڈالرز ہے اور یہ رقم پاکستانی روپے میں 17 ہزار 600 ارب روپے کے مساوی بنتی ہے۔
اس حوالے سے جاری کردہ تفصیلات کے تحت زمبابوے کے سابق صدر رابرٹ موگابے کے مخالفین کو کچلنے کے لیے ایک بینک نے 10 کروڑ ڈالرز کی رقم دی۔
جاری تفصیلات کے تحت سابق مصری صدر حسنی مبارک اور سابق مصری انٹیلی جینس چیف عمر سلیمان کے بھی اکاؤنٹس نکلے ہیں جب کہ قازقستان کے صدر قاسم جومارت توقایف کے اکاؤنٹس کی بھی تفصیلات سامنے آئی ہیں۔
رپورٹس کے تحت قازقستان کے صدر نے 1998 میں بطوروزیرخارجہ 10 لاکھ ڈالرزسوئس اکاؤنٹ میں جمع کرائے جب کہ قازقستان کے صدر نے برٹش ورجن آئی لینڈزمیں آف شورکمپنیاں بنائیں۔ ان اثاثوں کی مالیت 50 لاکھ ڈالرز کے مساوی تھیں۔
قازقستان کے صدر کے حوالے سے یہ بھی بتایا گیا ہے کہ انہوں نے امریکہ اور روس میں 77 لاکھ ڈالرز کے اپارٹمنٹس خریدے۔
واضح رہے کہ او سی سی آر پی نے اس حوالے سے کہا ہے کہ 47 میڈیا اداروں کےساتھ مل کردنیا کی سب سے بڑی تحقیقات کی ہیں اور یہ تحقیقات سوئس بینکنگ کی پراسراردنیا سے متعلق ہیں۔
او سی سی آرپی نے بتایا ہے کہ تحقیقات میں سیاستدانوں، جرائم پیشہ افراد اور جاسوسوں کے مالی رازوں کو بے نقاب کیا گیا ہے۔
پانامہ لیکس میں شامل 150 پاکستانیوں کا سراغ نہیں لگایا جاسکا: اسد عمر
ہم نیوز کے مطابق غالب امکان ظاہر کیا جا رہا ہے کہ پانامہ اور پنڈورا لیکس کے بعد منظر عام پر آنے والا ایک اور سربستہ راز زیادہ ہنگامہ خیز ثابت ہو گا۔
