ملتان سلطانز کے شاہنواز دھانی ، عمران طاہر اور ٹم ڈیوڈ نے ٹیم میں اپنا گینگ بنالیا۔
کرکٹ میں بیٹسمین کو آؤٹ کرنے کے بعد ہر بالر کا جشن منانے کا اپنا انداز ہوتا ہے لیکن ملتان سلطانز کے شاہنواز دھانی اور عمران طاہر کا انداز سب سے منفرد ہے۔ اب ملتان سلطانز کے ٹم ڈیوڈ بھی اسی انداز سے جشن منانے والوں میں شامل ہو گئے ہیں۔
اسلام آباد یونائیٹڈ کے خلاف میچ میں ٹم ڈیوڈ نے دانش عزیز کو آؤٹ کیا اور پھر شاہنواز دھانی اور عمران طاہر کی طرح ہی جشن منانے کے لیے باؤنڈری کی جانب دوڑ لگا دی۔
شاہ نواز دھانی نے ٹوئٹر کے ذریعے ٹم ڈیوڈ کو اپنے کلب میں شرکت پر خوش آمدید کہا۔ انہوں نے فینز سے بھی کہا کہ وہ اس گینگ کا کوئی نام تجویز کریں۔
you are most welcome to the club @timdavid8. MashAllah our Gang is growing. @ImranTahirSA bhai. 😜😂. Fans could you plz help us find a good name for this gang🙈 🙏. pic.twitter.com/7aVLms7jxe
— Shahnawaz Dahani (@ShahnawazDahani) February 20, 2022
پاکستان سپر لیگ نے بھی ان کے ایک جیسے انداز کو دلچسپ انداز میں بیان کرتے ہوئے ٹویٹ کیا ہے۔
This team is united in wicket celebration 😁#HBLPSL7 I #LevelHai I #MSvIU @timdavid8 pic.twitter.com/vvi6bFCnq2
— PakistanSuperLeague (@thePSLt20) February 20, 2022
واضح رہے کہ عمران طاہر بیٹسمین کو آؤٹ کرنے کے بعد جشن منانے کے لیے باؤنڈری کی طرف دوڑ لگانے کے منفرد انداز سے مقبول ہوئے۔
ان کے بعد شاہ نواز دھانی نے بھی انہی کے انداز میں جشن منانے کا آغاز کیا۔ حال ہی میں امپائر علیم ڈار کی طرف سے شاہ نواز دھانی کو روکنے کی ناکام کوشش کی ویڈیو بھی سوشل میڈیا پر کافی مقبول ہوئی۔