ممتاز کالم نگار پروفیسر ڈاکٹر مہدی حسن کا انتقال ہو گیا


لاہور: ممتاز تجزیہ کار، مبصر،کالم نگار، ہیومن رائٹس کمیشن کے سابق چیئرمین اور شعبہ صحافت کے معروف استاد پروفیسر ڈاکٹر مہدی حسن کا انتقال ہو گیا ہے۔ ان کی عمر 85 سال تھی۔

سابق وزیر داخلہ سینیٹر رحمان ملک 70 برس کی عمر میں انتقال کرگئے

ہم نیوز نے اس ضمن میں مرحوم پروفیسر ڈاکٹر مہدی حسن کے بیٹے وصی حسن کے حوالے سے بتایا ہے کہ وہ طویل عرصے سے بیمار تھے۔

مرحوم پروفیسر ڈاکٹر مہدی حسن پنجاب یونیورسٹی کے شعبہ ابلاغیات سے تقریباً 30 سال تک وابستہ رہے۔ مرحوم نے یونیورسٹی آف لاہور میں استاد کی حیثیت کے فرائض سرانجام دیے اور اس کے علاوہ بیکن ہاؤس نیشنل یونیورسٹی میں شعبہ ابلاغیات کے ڈین بھی رہے۔

پی ٹی آئی کے رکن قومی اسمبلی خیال زمان اورکزئی کا انتقال ہو گیا

پروفیسر ڈاکٹر مہدی حسن نے پہلا کالم اپنے وقت کے معروف اخبار امروز میں لکھا اور اس کے بعد ملک کے تمام ممتاز اخبارات و جرائد میں ان کے کالم شائع ہوئے۔

انہوں نے 1961 سے 1967 تک پاکستان پریس انٹرنیشنل ( پی پی آئی ) میں بحیثیت رپورٹر اور نیوز بیورو چیف کی حیثیت سے بھی فرائض سرانجام دیے۔ وہ پانچ مرتبہ پاکستان فیڈریشن آف یونین آف جرنلسٹ (پی ایف یو جی ) میں مختلف مناصب پہ بھی رہے۔

عالمی شہرت یافتہ قوال زمان ذکی تاجی کا انتقال ہو گیا

ہم نیوز کے مطابق پروفیسر ڈاکٹر مہدی حسن کو حکومت کی جانب سے خدمات کے اعتراف میں ستارہ امتیاز سے بھی نوازا گیا تھا۔


متعلقہ خبریں