یوکرینی صدر نے ملک سے نکلنے کی پیش کش مسترد کردی۔
یوکرین پر حملے کے تیسرے روزروسی افواج نے کیف میں داخل ہو گئیں اور شہر کی گلیوں میں لڑائی جاری ہے۔
ایسے وقت میں امریکہ نے یوکرینی صدر کو ملک سے نکلنے کی پیش کش کی جسے یوکرینی صدرنے مسترد کر دیا ہے۔
یوکرین کے صدر نے کہا ہے کہ میں دارالحکومت ہی میں رہوں گا، کیونکہ لڑائی یہاں ہو رہی ہے۔ مجھے گولہ بارود کی ضرورت ہے، سواری کی نہیں۔
انہوں نے ایک ویڈیو شیئر کرتے ہوئے کہا ہے کہ ہم ہتھیار نہیں ڈالیں گے اور اپنے ملک کا دفاع کریں گے۔
⚡️Zelensky posts another video filmed in central Kyiv.
“There’s a lot of fake information online that I call on our army to lay down arms, and that there’s evacuation,” he said.
“I’m here. We won’t lay down our arms. We will defend our state.” pic.twitter.com/VKVY4XRUip
— The Kyiv Independent (@KyivIndependent) February 26, 2022
ان کا کہنا تھا کہ ہتھیار ڈالنے سے متعلق غلط معلومات پھیلائی جا رہی ہیں میں نے نہ ہی ملک چھوڑا ہے اور نہ ہی ہتھیار ڈالے ہیں۔
فرانسیسی خبر رساں ادارے اے ایف پی کے مطابق یوکرین کی فوج کے تصدیق شدہ فیس بک پیج پر اطلاع دی گئی ہے کہ روسی افواج نے کیف کے فوجی یونٹس میں سے ایک پر حملہ کیا تاہم اس کو ناکام بنا دیا گیا ہے۔