ہالینڈ کے سابق فٹبالر نے اسلام قبول کر لیا

ہالینڈ کے سابق فٹبالر کلیئرنس کلائیڈ سیڈورف نے اسلام قبول کر لیا۔ سیڈروف اپنا نام تبدیل نہیں کریں گے۔ 45سالہ فٹبالر نے قبول اسلام کی اطلاع اپنے مداحوں کو انسٹاگرام پوسٹ کے ذریعے دی۔

انہوں نے اہلیہ صوفیہ کے ہمراہ تصویر شیئر کرتے ہوئے لکھا کہ میرے اسلام قبول کرنے پر مجھے دنیا بھر سے نیک خواہشات کے پیغام بھیجے جا رہے ہیں۔ میں یہ پیغامات بھیجنے والے تمام افراد کا شکریہ ادا کرتا ہوں۔

سیڈورف چیمپئنز لیگ کی تاریخ میں تین مختلف کلبز کے ساتھ کھیلتے ہوئے ٹرافی جیتنے والے واحد فٹبالر ہیں۔ انہوں نے اے سی ملان، ریال میڈرڈ اور ایجیکس کے ساتھ کھیل کر ٹرافی جیتی۔ وہ انٹر میلان، بوٹافوگو اور سیمپوڈریا کی بھی نمائندگی کر چکے ہیں۔

اپنے پیغام میں سیڈورف نے کہا کہ میں دنیا بھر میں اپنے تمام مسلمان بھائیوں اور بہنوں کے ساتھ شامل ہونے پر بہت خوش ہوں۔خاص طور پر میری پیاری بیوی صوفیہ، جنہوں نے مجھے اسلام کا مفہوم اچھی طرح سے سمجھایا۔

انہوں نے کہا ہے کہ میں نے اپنا نام تبدیل نہیں کیا اور نا ہی کروں گا۔ میں اسے ایسے ہی رہنے دوں گا کیونکہ میرے والدین نے میرے لیے کلیرنس نام کا انتخاب کیا تھا۔

فٹبالر کی اہلیہ صوفیہ نے بھی انسٹاگرام پر اپنے شوہر کے لیے خصوصی پوسٹ شیئر کی جس میں اُنہوں نے کہا کہ مجھے بہت خوشی اور فخر ہے کہ میں سیڈورف کے اس خاص اور خوبصورت لمحے کا حصہ ہوں۔

متعلقہ خبریں