پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار نے کہا ہے کہ فوج کا سیاست سے کوئی لینا دینا نہیں۔ غیر ضروری طور پر قیاس آرائی نہ کی جائے ، فوج پر مداخلت کا الزام لگانے والوں سے کہیں ثبوت لائیں۔
میڈیا سے گفتگو کرتے ہوئے ترجمان پاک فوج نے کہا کہ 9 مارچ کو شام 6 بج کر 43 منٹ پر بھارتی حدود سے تیز رفتار چیز کو ریڈار پر دیکھا گیا۔ 9مارچ کو 6 بج کر 33 منٹ پر ایک چیز نے پاکستانی فضائی حدود کی خلاف ورزی کی، پاکستان ایئرفورس نے اس چیز کی مکمل مانیٹرنگ کی۔ اس چیز نے اچانک رخ بدلا اور پاکستانی حدود کی طرف بڑھنے لگی جسے مار گرایا گیا۔
انہوں نے کہا کہ پاکستان فضائی حدود کی خلاف ورزی کی مذمت کرتا ہے۔ واقعہ کی جو بھی وجہ ہو بھارت کو جواب دینا ہو گا۔
ایک اور سوال کے جواب میں انہوں نے کہا کہ پاک فوج کا سیاست سے کوئی لینا دینا، آئندہ بھی اس سے کوئی لینا دینا ہو گا، اور اس سے متعلق زیادہ بات نہیں کر سکتے۔
دہشت گردوں کے خلاف کارروائیوں کا ذکر کرتے ہوئے میجر جنرل بابر افتخار نے کہا کہ پچھلے چند ہفتوں میں 80 دہشت گرد ہلاک کرچکے ہیں۔
