تین میچوں پر مشتمل ٹیسٹ سیریز کے آخری میچ کے پہلے روز کے اختتام پر آسٹریلیا نے 5 وکٹوں پر 232 رنز بنا لیے۔
قذافی اسٹیڈیم میں کھیلے جا رہے میچ میں آسٹریلیا نے ٹاس جیت کر پہلے بیٹنگ کا فیصلہ کیا۔
آسٹریلیا کی جانب سے اننگز کا آغاز عثمان خواجہ اور ڈیوڈ وارنر نے کیا جو اچھا ثابت نہ ہو سکا۔
ڈیوڈ وارنر محض 7 رنز پر شاہین شاہ کی گیند پر سلپ میں کیچ دے بیٹھے، ان کے بعد آنے والے ورلڈ نمبر ون بیٹر لبوشین بغیر بھی بغیر کھاتا کھولے شاہین کی گیند پر آؤٹ ہو گئے۔
It’s Shaheen again! What a start🔥 Labuschagne out for a 🦆 #BoysReadyHain l #PAKvAUS pic.twitter.com/NhzpfFZYc8
— Pakistan Cricket (@TheRealPCB) March 21, 2022
اس موقع پر عثمان خواجہ اور اسٹیو اسمتھ نے 138 رنز کی شراکت داری قائم کر کے ٹیم کو استحکام بخشا، تاہم نوجوان بولر نسیم شاہ نے پہلے اسمتھ اور ٹریوس ہیڈ کو آؤٹ کر کے میچ میں پاکستان کی پوزیشن مضبوط کر دی۔
عثمان خواجہ 91 رنز پر ساجد خان کی گیند پر سلپ میں کیچ دے بیٹھے، بابراعظم نے خواجہ کا شاندار کیچ پکڑا۔
