پاکستان کے خلاف ون ڈے سیریز کے لیے آسٹریلوی اسکواڈ لاہور پہنچ گیا۔
لاہور پہنچنے والے آسٹریلوی اسکواڈ میں 14 ارکان شامل ہیں، دونوں ٹیموں کے درمیان پہلا ون ڈے میچ 29 مارچ کو کھیلا جائے گا۔
اس وقت آسٹریلوی ٹیسٹ ٹیم پاکستان میں موجود ہے جہاں وہ 3 میچز کی سیریز کھیلنے میں مصروف ہے۔ پاکستان اور آسٹریلیا کےدرمیان 3 میچز پر مشتمل سیریز کے 2 ٹیسٹ میچز ڈرا ہوئے جبکہ تیسرا اور آخری میچ لاہور میں کھیلا جارہا ہے۔
یہ بھی پڑھیں:نسیم، شاہین کی عمدہ بولنگ: آسٹریلیا نے 5 وکٹوں پر 232 رنز بنا لیے
پاکستان کے خلاف 3 ون ڈے اور ایک ٹی ٹوئنٹی انٹرنیشنل میچ کیلئے آسٹریلیا کی محدود اوورز کی کرکٹ ٹیم کے کپتان ایرون فنچ اور دیگر کھلاڑی پاکستان پہنچے ہیں۔
ایرون فنچ نے ٹوئٹر پر ٹریننگ کی تصاویر اپ لوڈ کرتے ہوئے لکھا تھا کہ پاکستان جانے سے قبل میلبرن میں کچھ دن اچھی ٹریننگ کی۔
Great few days training in melbourne before leaving for Pakistan tomorrow. Can’t wait to get over there and get stuck into the ODI and T20 series! 🇦🇺🇵🇰 pic.twitter.com/Dy7fZvluUs
— Aaron Finch (@AaronFinch5) March 22, 2022
پاکستان اور آسٹریلیا کے مابین ون ڈے سیریز 29 مارچ سے لاہور میں شروع ہوگی۔لاہور میں 3 ون ڈے میچز کے بعد ایک ٹی ٹوئنٹی بھی کھیلا جائے گا۔
