بزدار مستعفی: میں ٹرینڈ کیوں کر رہا ہوں؟ وسیم اکرم کا سوال

گزشتہ روز وزیراعلی پنجاب عثمان بزدار نے جیسے ہی وزیراعظم پاکستان کو استعفی دیا، ویسے ہی سوشل میڈیا پر صارفین نے ٹرینڈ شروع کر دیا۔

جس میں ایک ٹرینڈ وسیم اکرم کا بھی تھا، کیونکہ عمران خان، عثمان بزدار کو اپنی ٹیم کا اہم کھلاڑی اور وسیم اکرم پلس کا لقب دیا تھا۔ اسی لیے ان کے مستعفی ہونے کے بعد وسیم اکرم کے نام کا ٹرینڈ شروع ہو گیا۔

اس ٹرینڈ نے سابق پاکستانی کرکٹر اور اصل وسیم اکرم کوبھی حیران کر دیا، اور انہوں نے بھی ٹوئٹر کا رخ کر کے اس ٹرینڈ میں اپنا حصہ ڈالا۔


وسیم اکرم نے ٹوئٹ کی کہ مجھے علم نہیں کہ میں کیوں ٹرینڈ کر رہا ہوں لیکن میں بھی اس میں شامل ہو جاتا ہوں، ساتھ ہی وسیم اکرم نے ایموجیز بھی بنائیں، اور اپنے نام کے ہیش ٹیگ کا بھی استعمال کیا۔

2019 میں وزیر اعظم نے کہا تھا کہ پاکستان کرکٹ ٹیم کے کپتان کے طور پر انہوں نے وسیم اکرم اور انضمام الحق کی صورت جن کھلاڑیوں کو چنا وہ بعد میں سپر سٹار بنے، اب عثمان بزدار کو منتخب کرنے کا ان کا فیصلہ بھی ایسا ہی ہے۔

متعلقہ خبریں