اسلام آباد: تحریک انصاف کے چیئرمین عمران خان کا کہنا ہے کہ تین بار کے منتخب وزیراعظم نے عدالت میں شرم ناک بیان دیا ہے۔
اپنے ایک ٹوئٹ میں انہوں نے کہا کہ نوازشریف نے نیب عدالت میں کہا کہ ”ایون فیلڈ فلیٹس” بیٹوں کے ہیں اگر ایسا ہے بھی تو نوازشریف نہیں جانتے کہ بیٹوں کے پاس رقم کہاں سے آئی۔
کتنے شرم کا مقام ہے کہ تین مرتبہ وزیر اعظم بننے والا شخص احتساب عدالت میں کہتا ہے کہ ایون فیلڈ (لندن) جائیدادیں اسکے بیٹوں کی ہیں مگر وہ نہیں جانتا کہ انکی خریداری کیلئے انکے پاس پیسا کہاں سے آیا۔ نواز شریف کے مطابق انکے بیٹے برطانوی شہری ہیں جن پر پاکستانی قانون لاگو نہیں ہوتا۔
— Imran Khan (@ImranKhanPTI) May 21, 2018
آج وہ قطری خط سے بھی دستبردار ہوگیا۔ سپریم کورٹ اور جے آئی ٹی میں دوسال پر محیط وقت اور عوام کے ٹیکسوں کا پیسہ ضائع کرنے کے بعد نواز شریف کو منی لانڈرنگ کے حق میں ایک مضحکہ خیز ترکیب سوجھی ہے۔ https://t.co/lhQ3B9EQej
— Imran Khan (@ImranKhanPTI) May 21, 2018
چیئرمین تحریک انصاف نے کہا کہ نوازشریف منی لانڈرنگ کے لیے مضحکہ خیز وضاحتیں دے رہے ہیں، انہوں نے تو عدالت میں قطری خط سے بھی انکار کر دیا ہے۔
اس کا مطلب تو یہ ہوا کہ (اسحٰق ڈار اور نواز شریف کیطرح) کوئی بھی چوری کرکے پیسہ اور بچے دونوں باہر بھجوا دے اور معصوم سی شکل بنا کر
کہہ دے کہ اسے نہیں معلوم بچوں کے پاس پیسہ کہاں سے آیا۔ https://t.co/UTASHyXn9G— Imran Khan (@ImranKhanPTI) May 21, 2018
انہوں نے یہ بھی کہا کہ نواز شریف کے بیان سے تو صاف ظاہر ہے کہ کوئی چوری کر کے پیسہ اور بچے باہر بھیج دے اور معصوم شکل بنا کر کہہ دے کہ اسے تو کچھ نہیں معلوم کہ پیسہ کہاں سے آیا۔