اسلام آباد: پیٹرولیم ڈویژن نے پیٹرولیم مصنوعات کی قیمتوں میں 35 روپے فی لیٹر اضافہ کرنے کی سفارش کردی ہے۔
پیٹرولیم مصنوعات کی قیمتیں بڑھانے کے سوا کوئی چارہ نہیں، فواد چوہدری
ہم نیوز نے اس ضمن میں ذمہ دارذرائع سے بتایا ہے کہ پیٹرولیم ڈویژن نے پیٹرولیم مصنوعات کی قلت کے پیش نظر ہنگامی بنیادوں پر سمری وفاقی کابینہ کو ارسال کی ہے۔
ذرائع کے مطابق پیٹرولیم ڈویژن کی جانب سے بھیجی جانے والی سمری میں کہا گیا ہے کہ پیٹرول فوری طور پر 27 روپے اور ہائی اسپیڈ ڈیزل 35 روپے فی لیٹر تک مہنگا کردیا جائے۔
پیٹرولیم ڈویژن کی جانب سے بھیجی جانے والی سمری میں خبردار کیا گیا ہے کہ پیٹرویم مصنوعات کی قیمتوں میں فوری طور پر اضافہ نہ کیا گیا تو ملک میں شدید قلت پیدا ہو جائے گی۔
ذرائع کے مطابق پیٹرولیم ڈویژن نے متنبہ کیا ہے کہ قیمتیں برقرار رہنے کی صورت میں 30 جون تک 136 ارب روپے سبسڈی دینا پڑے گی۔
سونا مہنگا ہو گیا: پاکستان میں قیمت کا نیا ریکارڈ بن گیا
وفاقی کایبنہ کو پیٹرولیم ڈویژن کی جانب سے بھیجی جانے والی سمری میں کہا گیا ہے کہ پیٹرولیم مصنوعات پر جی ایس ٹی اور پیٹرولیم لیوی زیرو کی سطح پر برقرار رکھی جائے۔
ہم نیوز کے مطابق پیٹرولیم ڈویژن کی جانب سے وفاقی کابینہ کو بھیجی جانے والی سمری پر حتمی فیصلہ آج کرے گی۔
ڈالر کی اونچی اڑان، ایک دن میں 2 روپے 87 پیسے مہنگا
واضح رہے کہ وزیراعظم عمران خان نے 28 فروری 2022 کو قوم سے خطاب کرتے ہوئے پیٹرول مصنوعات کی قیمتوں میں دس روپے اور بجلی کی قیمتوں میں پانچ روپے کمی کا اعلان کرتے ہوئے کہا تھا کہ آئندہ بجٹ تک پیٹرولیم مصنوعات کی قیمتوں میں اضافہ نہیں کیا جائے گا۔
