اے این پی آفیشل اور سینئر عہدیداروں کے ٹوئٹر اکاونٹس ہیک

عوامی نیشنل پارٹی کے متعدد ٹوئٹر اکاؤنٹس پر سائبر کرائم حملہ کیا گیا ہے۔ عوامی نیشنل پارٹی کے مرکزی صدر اسفندیار ولی خان اور مرکزی سینئر نائب صدر امیر حیدر خان ہوتی کے ٹوئٹر اکاونٹس ہیک کرلئے گئے ہیں۔

یہ بھی پڑھیں:وزیراعلیٰ پنجاب کا انتخاب:لاہورہائیکورٹ میں سماعت جاری،وکلا کے دلائل جاری

عوامی نیشنل پارٹی کا مرکزی ٹوئٹر اکاؤنٹ اور صوبائی ترجمان ثمر ہارون بلور کا اکاؤنٹ ہینڈل بھی ہیک ہونے والے اکاؤنٹس میں شامل ہیں۔

باچا خان مرکز کے میڈیا ڈویژن کی جانب سے جاری بیان میں کہا گیا ہے کہ تکنیکی ماہرین مذکورہ اکاؤنٹس کو بحال کرانے کیلئے کوشاں ہیں اور اس سلسلے میں ٹوئٹر انتطامیہ کے ساتھ بھی باضابطہ طور پر شکایت درج کرادی گئی ہے۔

مذکورہ ٹوئٹر اکاؤنٹس سے حال میں ہونے والی ٹویٹس اور دیگر بیانات سے عوامی نیشنل پارٹی اور قائدین کا کوئی تعلق نہیں۔ جیسے ہی اس سلسلے میں کوئی پیشرفت ہوتی ہے اور اکاؤنٹس بحال ہوجاتے ہیں، کارکنان اور میڈیا کو باقاعدہ طور پر اطلاع کردی جائے گی۔

متعلقہ خبریں