اسلام آباد: امریکی وزیر خارجہ نے بھارت پر تنقید کرتے ہوئے کہا کہ بھارت میں انسانی حقوق کی پامالی میں اضافہ تشویشناک ہے۔
امریکی وزیر خارجہ انتونی بلنکن نے بھارتی ہم منصب کے ہمراہ مشترکہ پریس بریفنگ میں بھارت میں انسانی حقوق کی پامالی میں اضافے پر تشویش کا اظہار کیا۔
انہوں نے کہا کہ بھارت میں انسانی حقوق کی خلاف ورزیوں کا جائزہ لے رہے ہیں جبکہ بھارت میں حالیہ دنوں میں ہونے والے واقعات تشویشناک ہیں۔
یہ بھی پڑھیں: بھارت: ریسکیو کے دوران شہری ہیلی کاپٹر سے گر کر ہلاک
انتونی بلنکن نے کہا کہ انسانی حقوق کی پامالی میں سرکاری افسر، پولیس اہلکار اور جیل حکام ملوث ہیں۔ انسانی حقوق کی اہمیت اور بلاتفریق فراہمی سے متعلق مؤقف سے آگاہ کرتے رہتے ہیں۔
اس موقع پر موجود بھارتی وزیر دفاع اور بھارتی وزیر خارجہ نے انسانی حقوق کے معاملے پر کوئی تبصرہ نہیں کیا۔
