بھارتی ریاست تامل ناڈو میں 18سالہ ٹیبل ٹینس کھلاڑی وشوا دینادیلان روڈ حادثے میں ہلاک ہو گیا۔
ٹیبل ٹینس فیڈریشن کا کہنا ہے کہ وشوا دینادیلان ٹیکسی کے ذریعے گوہاتی سے شیلانگ جارہا تھا جس کے راستے میں حادثہ پیش آیا۔
وشوا 83ویں سینئر نیشنل اور انٹر اسٹیٹ ٹیبل ٹینس چیمپئن شپ میں حصہ لے رہا تھا، جو آج سے شروع ہو رہا ہے۔
یہ بھی پڑھیں: مصلحت کی حد ہوتی ہے، مولانا فضل الرحمان کا فوری انتخابات کا مطالبہ
ٹیکسی میں وشوا کے ساتھ ان کے تین اور ساتھی بھی موجود تھے، جو حادثے میں شدید زخمی ہوئے ہیں، لیکن ان کی حالت خطرے سے باہر ہے۔
بھارتی میڈیا کے مطابق حادثے میں ٹیکسی ڈرائیور کی اسی وقت موت واقع ہو گئی، تاہم وشوا کو قریبی اسپتال منتقل کیا، لیکن ان کی زندگی نہیں بچائی جا سکی۔
