اسلام آباد: جمعیت علمائے اسلام (جے یو آئی) ف نے اپنی جماعت کے وزرا کو ملنے والے محکموں کا اعلان کر دیا۔
جمعیت علمائے اسلام ف کے مطابق مفتی عبدالشکور کو وفاقی وزیر مذہبی امور اور مفتی اسعد محمود کو وفاقی وزیر مواصلات کا عہدہ دیا گیا ہے۔
جے یو آئی ف کے مولانا عبدالواسع کو وزیر ہاؤسنگ کا عہدہ دیا گیا ہے۔
یہ بھی پڑھیں: پی ٹی آئی نے نئی حلقہ بندیوں کا شیڈول سپریم کورٹ میں چیلنج کر دیا
واضح رہے کہ وزیر اعظم شہباز شریف کی کابینہ نے آج حلف اٹھا لیا ہے۔ وفاقی کابینہ کی حلف برداری کی تقریب ایوان صدر میں منعقد ہوئی۔ چیئرمین سینیٹ اور قائم مقام صدر صادق سنجرانی نے وفاقی کابینہ سے حلف لیا۔ صدر مملکت عارف علوی نے طبیعت ناساز ہونے کے باعث حلف لینے سے انکار کر دیا تھا۔
وزیر اعظم شہباز شریف کی کابینہ میں 31 وفاقی وزرا اور 3 وزرائے مملکت شامل ہیں۔ تین مشیر بھی وفاقی کابینہ کا حصہ ہیں۔
