ارجنٹائن میں چلتی ٹرین کے نیچے آنے والی خاتون معجزاتی طور پر زندہ بچ گئی۔
غیر ملکی خبر رساں ایجنسی کے مطابق ارجنٹینا کے دارالحکومت بیونس آئرس میں ایک خاتون ریلوے اسٹیشن پر ٹرین کا انتظار کر رہی تھی کہ اچانک اس کی طبعیت خراب ہوئی اور وہ لڑکھڑاتے ہوئے پٹری کی جانب گر گئی جہاں سے اس وقت ٹرین گزر رہی تھی۔
خاتون کی ٹرین کے نیچے آنے کی ویڈیو سوشل میڈیا پر وائرل ہو گئی جس میں دیکھا جاسکتا ہے کہ خاتون کو ٹرین کے نیچے آتا دیکھ کر اسٹیشن پر کھڑے مسافر گھبرا گئی اور چیخ و پکار شروع کر دی۔
حادثے کے فوری بعد ہی ٹرین ڈرائیور نے ٹرین روک لی۔ اسٹیشن پر موجود افراد نے اسٹیشن عملے کے ساتھ مل کر خاتون کو ٹرین کے نیچے سے نکالا۔ خاتون معجزاتی طور پر محفوظ رہیں تاہم انہیں معمولی خراشیں آئی تھیں۔
So this happened recently in #BuenosAires #Argentina
This woman apparently fainted and she fell under on an oncoming train, BUT SHE SURVIVED! She’s now out of the hospital 🙏 pic.twitter.com/EQA2V4foh9
— Diamond Lou®™ 🔞 (@DiamondLouX) April 19, 2022
خاتون کا حادثے میں زندہ بچ جانا کسی معجزے سے کم نہیں اس لیے کہتے ہیں “جسے اللہ رکھے اسے کون چکھے”۔