ٹوئٹر کے بعد ایلون مسک کا اگلا ہدف کون؟

ٹویٹر کے بعد ٹیسلا کے بانی ایلون مسک کوکا کولا کمپنی خریدنے کے لیے بھی تیار ہو گئے۔

ایلون مسک نے طنزیہ ٹویٹ کرتے ہوئے کہا کمپنی خرید کر مشروب میں کوکین کا استعمال دوبارہ شروع کروں گا، لیکن کوکا کولا کمپنی کی مالیت ایلون مسک کی پوری دولت سے زیادہ ہے۔

ایلون مسک کی ٹوئٹ نے دیکھتے ہی دیکھتے ٹرینڈ کرنا شروع کردیا، تین گھنٹوں کے دوارن ٹوئٹ پر کئی ملین لائکس آگئے، دنیا کے امیر ترین شخص کا ٹوئٹ ایک ایسے وقت میں آیا جب انہوں نے 44 بلین ڈالر میں ٹویٹر کے سو فیصد حصص خریدے ہیں۔


دوسری جانب صارفین ایلون مسک کے حوالے سے بڑے بڑے دعوے کرنے لگے ہیں، جس پر ایلون مسک نے لکھا کہ وہ کوئی جادو نہیں کر سکتے ہیں جو سب کچھ خرید لیں۔

ٹوئٹر خریدنے کے بعد ایلون مسک نے اس میں کئی تبدیلیوں کی خواہش ظاہر کی ہے، ایک خواہش میں تو وہ اس پلیٹ فارم کو مزید بہتر بنانا چاہتے ہیں، جس کے لیے ان کا کہنا ہے کہ ہر کسی کو اپنی سوچ رکھنے کی آزادی ہونی چاہیے اور کسی کو نیٹ ورک سے بین نہیں کرنا چاہیے۔ تاہم ان کا کہنا ہے کہ اس کا یہ مطلب نہیں کہ وہ قانون کے خلاف ہیں، ہر اس بات کی آزادی ہونی چاہیے جو قانون کے مخالف نہ ہوا۔

دوسری خواہش کا اظہار کرتے ہوئے ایلون مسک نے لکھا کہ ٹوئٹر ڈی ایم میں سگنل کی طرح اینڈ ٹو اینڈ انکرپشن بھی ہونا چاہیے، تاکہ کوئی بھی آپ کے پیغامات کی جاسوسی یا ہیک نہ کر سکے۔

متعلقہ خبریں