بالی ووڈ کے معروف اداکارعامر خان اور اسٹار اداکار رنبیر کپور ’پی کے‘ کے بعد ایک ساتھ نئی فلم میں کام کرنے جارہے ہیں۔
میڈیا رپورٹ کے مطابق فلم ساز انوراگ باسو نے اپنے نئے پروجیکٹ کے لیے عامر خان اور رنبیر کپور کو کاسٹ کرلیا ہے۔ فلم کا نام تاحال نہیں رکھا گیا تاہم اسکرین پلے کے لیے تمام ابتدائی تیاریاں مکمل کرلی گئی ہیں۔
رپورٹ میں بتایا گیا کہ اس پروجیکٹ کی تکمیل میں عامر خان کی پروڈکشن کمپنی کا بھی تعاون رہے گا۔ فلم کی شوٹنگ کے آغاز اور ریلیز سے متعلق نہیں بتایا گیا۔
رنبیر پیسے دو، جوتے لو، جوتا چھپائی کی رسم 25 کروڑ سے شروع 2 لاکھ پر ختم
ہدایت کار انوراگ اس سے قبل فلم ’برفی‘ اور ’جگو جاسوس‘ میں رنبیر کپور کے ساتھ کام کرچکے ہیں لیکن ایسا پہلی مرتبہ ہوگا کہ وہ عامر اور رنبیر کو ایک ساتھ ڈائریکٹ کریں گے۔
