اسلام آباد: اقتصادی رابطہ کمیٹی (ای سی سی) نے آٹےکا 20 کلو کا تھیلا 950 روپے سے کم کر کے 800 روپے اور ویجی ٹیبل گھی پر 180 روپے فی کلو سبسڈی دینےکی منظوری دے دی ہے۔
سستا آٹا، کم سے کم اجرت 25 ہزار،پنشن میں 10 فیصد اضافہ،وزیراعظم کا پہلا خطاب، بڑے اعلانات
ہم نیوز کے مطابق اس بات کا فیصلہ وفاقی وزیر خزانہ مفتاح اسماعیل کی زیرصدارت منعقدہ ای سی سی کے اجلاس میں کیا گیا۔ اجلاس میں رمضان ریلیف پیکج کے تحت گندم اور چینی کی قیمتوں پر نظرثانی کی گئی۔
اجلاس کے حوالے سے جاری کردہ اعلامیے میں کہا گیا ہے کہ پسے ہوئے طبقے کے لیے آٹے اور چینی کی قیمتوں پر نظرثانی کی سمری منظور کی گئی ہے۔
اس حوالے سے بتایا گیا ہے کہ آٹے کے 20 کلو کے تھیلے کی قیمت 950 روپے سے کم کر کے 800 روپے اور چینی کی قیمت 85 روپے سے کم کر کے 70 روپے فی کلوکرنے کی منظوری دی گئی ہے۔ اسی طرح ویجی ٹیبل گھی پر 180 روپے فی کلو سبسڈی دینےکی بھی منظوری دی گئی ہے۔
جاری کردہ اعلامیے میں بتایا گیا ہے کہ ای سی سی نے وزیراعظم ریلیف پیکج کی مئی تا جون تک توسیع کی بھی منظوری دے دی ہے۔
آٹے کی قیمت میں اضافہ ہو گیا: روٹی کے نرخ بڑھنے کا امکان
رمضان ریلیف پیکج کے تحت یوٹیلیٹی اسٹورز پر اشیائے ضروریہ کی فروخت جاری رکھنے کی اجازت بھی دی گئی ہے۔
اجلاس میں پاسکو اور پنجاب کو اضافی گندم خریدنے کی منظوری دی گئی۔ اسی حوالے سے بتایا گیا ہے کہ ای سی سی کے تحت پاسکو نے 1.20 ملین میٹرک ٹن گندم خریدنے کا ہدف حاصل کرلیا ہے اور پنجاب نے 3.5 ملین میٹرک ٹن گندم خریداری کا ہدف حاصل کرلیا ہے۔
پاسکو کو 0.50 ملین میٹرک ٹن اور پنجاب کو ایک ملین میٹرک ٹن گندم خریداری کی اجازت دی گئی ہے، پاسکو 28.50 ارب روپے اور محکمہ خوراک پنجاب 145.50 ارب سے گندم خریدے گا۔
ای سی سی اجلاس: 8.2 ارب روپے کا رمضان ریلیف پیکج منظور
ہم نیوز کے مطابق ای سی سی نے ملکی طلب کے مطابق 3 ملین میٹرک ٹن گندم درآمد کرنے کی اجازت دے دی ہے جب کہ وفاقی محتسب سیکرٹریٹ کے لیے سپلیمنٹری گرانٹ کی سمری مؤخر کردی گئی ہے۔
