نیا الطاف حسین پیدا ہو گیا جس نے پوری کابینہ کو ہی لندن بلا لیا، فواد چودھری

عمران خان کی کردار کشی کیلئے بڑی مہم شروع ہونے والی ہے، فواد چودھری

سابق وفاقی وزیر فواد چودھری نے کہا ہے کہ بانی متحدہ سنٹرل کمیٹی کو لندن بلایا کرتا تھا، یہ نیا الطاف حسین پیدا ہوا ہے جس نے پوری کابینہ کو ہی لندن بلا لیا۔

پریس کانفرنس سے خطاب کرتے ہوئے انہوں نے کہا کہ وفاقی وزرا لندن میں بیٹھے ہیں، اسٹیٹ بینک کا گورنر ہی نہیں ہے، اس وقت پنجاب میں جعلی وزیراعلیٰ ہے۔

فواد چودھری نے کہا کہ اس وقت ملک میں 2 وزیراعظم اور 2 وزیرخارجہ ہیں، ملک پر مسلط ڈاکو چور پاکستان کو سری لنکا بنا کر چھوڑیں گے۔

الیکشن کمیشن کیخلاف قانونی کارروائی کا آغاز کر رہے ہیں، فواد چودھری

انہوں نے کہا کہ آج سب نے دیکھا سیالکوٹ میں کیا ہوا، کیا کسی کو اس طرح روکا جا سکتا ہے، آج انہوں نے کارکنوں اور لیڈرشپ کو گرفتار کیا۔

ان کا کہنا تھا کہ وزیراعظم نےکل ایک صحافی کواپنا مشیر بنا لیا، ان کا خیال ہے کہ 8دس صحافیوں کےذریعےیہ رائے عامہ بدل دیں گے۔

مزید کہا کہ پوری قوم اس وقت عمران خان کے پیچھے کھڑی ہے، جلسے روکنے اور گرفتاریوں سے یہ معاملہ حل نہیں ہو گا۔

متعلقہ خبریں