وفاقی وزیراطلاعات مریم اورنگزیب نے کہا ہے کہ عمران کو عقل کی بات دیر سے سمجھ آئی اسی لیے نکالے گئے، انہیں عقل آ جاتی تو آدھی رات کو عدالت کے دروازے نہ کھولے جاتے۔
اپنے بیان میں انہوں نے کہا کہ عمران صاحب کو عقل کی بات سمجھ میں آتی توآنکھیں بند کر کے معاہدوں پر دستخط نہ کرتے اور نہ معیشت تباہ،روزگار ختم اور تاریخی مہنگائی سے عوام کی سانس بند ہوتی ۔
مریم اورنگزیب نے کہا کہ امپورٹڈ ترجمان اپنے ریجیکٹڈ لیڈر کی اناکی تسکین کیلئے روز جھوٹ بولتے ہیں،عمران صاحب میں عقل ہوتی تو فرح گوگی کے ذریعے کرپشن کرتے؟
عمران خان جمعہ کو لانگ مارچ کی تاریخ کا اعلان کریں گے
انہوں نے کہا کہ 4سال میں20ہزار ارب قرضے لےکر جھوٹ بول کر گناہوں کا روز بوجھ بڑھاتے ہیں۔
مزید کہا کہ عملی طور پر آپ کی حکومت ختم ہو چکی ہے لیکن آپ ماننے کو تیار نہیں ،جو لوگ خود نہیں گئے، انہیں آئین کی طاقت سے نکالا جاچکا ہے۔
ان کا کہنا تھا کہ حقیقت کا ادراک کریں، عوام فیصلہ کرچکے ہیں ، اس کے سامنے سرجھکائیں۔
