حمزہ شہباز نے کہا کہ حلف نہ لینے کی بیماری ایوان صدرسےچلی اورگورنرہاؤس میں ڈیرے لگا لیے، ڈیڑھ ماہ ہوگیا میرے پاس کوئی کابینہ نہیں ہے، پرویزالہٰی کسٹوڈین آف دی ہاؤس بنےبیٹھے ہیں، کسٹوڈین آف دی ہاؤس نے وردی میں بھرتی غنڈوں سےحملہ کرایا۔
لاہور میں پریس کانفرنس کرتے ہوئے حمزہ شہباز نے کہا ہے کہ ڈیڑھ ماہ ہوگیا میرے پاس کوئی کابینہ نہیں، اسپیکرنےآئین کےتحت قائم مقام گورنرکا حلف اٹھانےسےانکارکیا، پنجاب اسمبلی میں خواتین ایم پی ایز پرحملہ کروایا گیا، ابھی تک میری کابینہ نہیں بنی لیکن لاکھ رکاوٹیں ڈالیں گے مجھے پنجاب کے لیے کام کرنے سے نہیں روک سکتے۔
آئین شکنی کی ایسی مثال قائم کی گئی جو کبھی دیکھی نہ سنی، وزیر اعظم کی سمری پر صدر نے صرف دستخط کرنے ہے، ڈیڑھ ماہ ہوگیا لیکن ابھی تک کچھ نہیں کیا گیا، گندم جان بوجھ کر بیرون ملک بھجوادی گئی، گندم کےلیے خواتین کو لائنوں میں لگا دیا گیا، لاکھ خاردار تاریں بچھائیں میں پھر اپنا کام جاری رکھوں گا۔
عمران خان سے کہتا ہوں میں صوبے کی عوام کی خدمت کرتا رہوں گا، عمران خان4سال عوام سے کھلواڑ کرتا رہا، عمران خان اداروں پر حملے کرتے رہے اور اب اداروں کو تباہ کرنے کی سازش کررہے ہیں، عمران خان کے دور میں روپے کی قیمت 40 فیصد گری، عمران خان نے ملک کی ہنستی بستی معیشت کو تباہ کیا۔
یہ بھی پڑھیں: جوہری دھماکوں کے 24 سال مکمل، وزیراعظم کا 10 روزہ تقریبات منانے کا فیصلہ
انہوں نے مزید کہا کہ پنجاب کو چار سال میں مہنگائی کے دلدل میں پھنسا دیا،عمرا ن خان سیاست کی آڑ میں افراتفری پھیلا رہےہیں، عمران خان نے آئی ایم ایف کی وہ شرائط مانی جس کا عوام کو نقصان پہنچا، اداروں کوفوج کے خاندان کی لانگ مارچ میں شرکت کی بات کا نوٹس لینا چاہیے، عمران خان فوج کو تقسیم کرنا چاہتے ہیں، نواز شریف اور شہباز شریف نے یہی سکھایا عوام کی خدمت کرو، دو وقت کی روٹی مشکل ہوچکی، بچوں کا ددودھ خریدنا مشکل ہوگیا، کونسا ایسا ملک ہے جو اس وقت تیل پر سبسڈی دے رہا ہے؟
عمران خان نے ابھی تک توشہ خان کیس کا جواب نہیں دیا، منی لانڈرنگ کیس میں کچھ نہیں نکلا، رات کو عدالتیں نہ کھولتی تو ہم بنانا ری پبلک میں ہوتے۔
حمزہ شہباز نے کہا کہ عمران خان نے دوست ممالک کے ساتھ تعلقات خراب کیے، امریکہ جیسی سپر پاور سے برابری پر بات ہونی چاہیے تھی۔ انہوں نے بھرے جلسوں میں ایبسلوٹلی ناٹ کہا، اس نے شعبدہ بازی کی، جب بھی اس نے کہا مہنگائی کم ہوجائے گی۔
پنجاب حکومت نے فی کلو آٹے کی قیمت میں 16روپے کمی کا اعلان کردیا، حمزہ شہباز نے کہا کہ عوام کے لیے 10 کلو آٹے کا ریٹ 650 کے بجائے 490 روپے کررہے ہیں، سستا آٹا پنجاب کے 36 اضلاع میں آج سے دستیاب ہوگا، کھادیں مہنگی کیں، فرسودہ بیج دیا، ان کے پیسے استعمال کیے، آج انٹرنیشنل مارکیٹ میں گندم کا ریٹ 500 ڈالر پر ٹن ہے، سستی اور اپنی گندم کسانوں کو پورے پیسے دے کر پری کیور کر لی ہے۔
وزارت اعلی کے بارے میں بات کرتے ہوئے کہا کہ اللہ جب تک چاہے گا میں اس عہدے پر بیٹھا رہوں گا، ایک طرف آئی ایم ایف کو کہا کہ پیٹرول مہنگا کرینگے پھر سبسڈی دی، ہم 5.8 پر ترقی کی شرح چھوڑ کرگئے تھے آج وہ صفر ہوگئی، انٹرنیشنل مارکیٹ میں گندم اس وقت 4 ہزار روپے فی من ریٹ ہے، کسانوں سے 2200 روپے فی من ریٹ پر گندم ایک سال کے لیے ا سٹاک کرلی۔
ایوان صدر میں بیٹھا شخص ملک کا دشمن ہے،آئی جی پولیس کوکہا ہے پچھلے دور کی کرپشن جانتا ہوں، بس ایماندار آفیسر تعینات کریں،علیم خان سمیت تمام اتحادیوں سے کہا پہلے عوام کا سوچتا ہوں۔
وزیر اعلیٰ پنجاب نے دعویٰ کیا کہ ہم کینسر سمیت ادوایات سرکاری اسپتالوں میں فری دیں گے، کسی صورت غریب آدمی کے کپڑے چھیننے کی اجازت نہیں دوں گا، ہم نے 36 پرائس کنٹرول کمیٹیاں بنائی ہیں، سیاسی میدان میں آئے، الیکشن بھی ہونے ہیں، پرویز الہٰی مگر مچھ کے آنسو نہ روئیں، سی سی ٹی وی فوٹیج میں پرویز الہٰی کے اشارے ہیں
لوڈ شیڈنگ کم کرنے سے متعلق مزید کام کریں گے، انتقام پر یقین نہیں رکھتا، ایک خاتون کے کہنے پر صوبہ چلتا تھا، عمران نیازی سے بہترین انتقام ہے کہ صوبے کی عوام کو خوش حال کریں، میں نے کہا تھا کہ عمران نیازی کی انا کی بنا پر مجھے پبلک اکاؤنٹس کمیٹی کا اختیار نہیں دیا گیا ،آج پھر کہتا ہوں کہ اپوزیشن کے اچھے لوگوں کو ساتھ لے کر چلیں گے، یہ معیشت کو وینٹی لیٹر پر لے آئےہیں، ایک کروڑ نوکریاں کون کھا گیا، پچاس لاکھ گھر کہاں ہیں۔
