نیپرا نے آئیسکو پر 6 کروڑ سے زائد کا جرمانہ عائد کر دیا

بجلی صارفین ہوشیار: سبسڈی میں کمی اور پرانے سلب کے فوائد ختم کرنیکا فیصلہ

فائل فوٹو

اسلام آباد: نیشنل الیکٹرک پاور ریگولیٹری اتھارٹی (نیپرا) نے آئیسکو پر 6 کروڑ 50 لاکھ روپے کا جرمانہ عائد کر دیا۔

نیپرا میں جولائی 2019 سے جون 2021 کے دوران کرنٹ لگنے سے شہریوں کی اموات سے متعلق کیس کی سماعت ہوئی۔ نیپرا کے مطابق مذکورہ مدت 2 سال کے دوران بجلی سے 39 افراد کی ہلاکتیں ہوئی تھیں۔

اتھارٹی نے ہلاکتوں کی تحقیقات کے لیے 2 اراکین پر مشتمل کمیٹی تشکیل دی تھی اور نیپرا تحقیقاتی کمیٹی کی رپورٹ کے مطابق 39 میں سے 25 اموات میں آئیسکو قصور وار قرار پایا تھا اور 25 اموات میں سے 10 آئیسکو کے ملازمین اور 15 عام شہری تھے۔

یہ بھی پڑھیں: عمران خان نے رابطہ کر کے مراسلے کا ذکر کیا لیکن دکھایا نہیں، سراج الحق

نیپرا کے مطابق اتھارٹی نے نیپرا ایکٹ کے تحت آئیسکو کو شوکاز نوٹس جاری کیا اور سماعت کا موقع بھی دیا لیکن آئیسکو حفاظتی معیارات کو برقرار رکھنے کے لیے قانونی ذمہ داریاں سرانجام دینے میں ناکام رہا۔

اتھارٹی نے آئیسکو کو متاثرہ خاندانوں کو 35 لاکھ روپے فی کس معاوضہ ادا کرنے کی ہدایت کی اور معاوضے کی تفصیلات اتھارٹی کے ساتھ شیئر کرنے کی بھی ہدایت کی۔ اتھارٹی نے آئیسکو کو سوگوار خاندانوں کو ملازمت بھی دینے کی ہدایت کی۔

متعلقہ خبریں