عمرانی سرکار عوام پر قہر بن کر ٹوٹی، حمزہ شہباز

عدالت نے حمزہ شہباز کانام بلیک لسٹ سے نکالنے کا حکم دےدیا | humnews.pk

فائل فوٹو

لاہور: وزیر اعلیٰ پنجاب حمزہ شہباز نے کہا ہے کہ عمران سرکار عوام پر قہر بن کر ٹوٹی۔

وزیر اعلیٰ پنجاب حمزہ شہباز سے اراکین صوبائی اسمبلی نے ملاقات کی جن میں جگنو محسن، بلال اصغر وڑائچ اور معاویہ اعظم شامل تھے۔ ملاقات میں باہمی دلچسپی کے امور اور سیاسی صورتحال پر تبادلہ خیال کیا گیا۔

ارکان اسمبلی نے آٹے کی قیمت میں ریکارڈ کمی پر وزیر اعلیٰ حمزہ شہباز کے اقدام کی تعریف کی۔

اس موقع پر حمزہ شہباز نے کہا کہ عمران نیازی کے 4 سالہ دور میں مہنگائی نے عام آدمی کی کمر توڑ دی اور عمرانی سرکار عوام پر قہر بن کر ٹوٹی۔ عوام کے لیے درد نہ رکھنے والا حکمرانی کا حق نہیں رکھتا۔

انہوں نے کہا کہ چند روز میں آٹے کی قیمت میں کمی کر کےعوام کی مشکلات کم کی گئیں اور ہماری سیاست کا محور مخلوق خدا کی خدمت ہے۔ 10 کلو آٹے کا تھیلا 650 روپے کے بجائے 490 روپے میں ملے گا۔

یہ بھی پڑھیں: نیپرا نے آئیسکو پر 6 کروڑ سے زائد کا جرمانہ عائد کر دیا

حمزہ شہباز نے کہا کہ عام آدمی کو 10 کلو آٹا کے تھیلے پر 160 روپے کا ریلیف دیا گیا ہے جبکہ چینی اور گھی کی قیمتوں میں کمی لانے کے لیے بھی اقدامات کیے جا رہے ہیں۔

انہوں نے کہا کہ صوبائی کابینہ سے حلف نہ لینا عوامی خدمت کی راہ میں رکاوٹیں ڈالنے کے مترادف ہے اور میں جب تک وزارت اعلیٰ کے عہدے پر فائز ہوں، عوام کی خدمت کرتا رہوں گا۔

متعلقہ خبریں