پاکستان تحریک انصاف (پی ٹی آئی) کے رہنما حماد اظہر نے دعویٰ کیا ہے کہ پولیس انہیں گرفتار کرنے کے لیے ان کے گھر پہنچ گئی ہے۔
سماجی رابطے کی ویب سائٹ ٹوئٹر سے جاری پیغام میں انہوں نے لکھا کہ پولیس مجھے اور میرے ساتھیوں کو گرفتار کرنے کے لیے میرے گھر موجود ہے۔
Police at my house to arrest me and others
— Hammad Azhar (@Hammad_Azhar) May 23, 2022
دوسری جانب سابق وزیراطلاعات فواد چودھری نے کہا ہے کہ پی ٹی آئی رہنماؤں کے گھروں پر چھاپے مار کر ہائیکورٹ کے حکم کی خلاف ورزی کی جا رہی ہے۔
انہوں نے کہا کہ اب کھیل کا آغاز ہو گیا ہے ہم اس کو آخر تک پہنچا کر دم لیں گے، سیاسی کارکنان کو گھروں میں داخل ہو کر گرفتار کیا جا رہا ہے، ہم تشدد سے بچنا چاہتے ہیں۔
اس سے پہلے سابق وزیر داخلہ شیخ رشید نے بھی دعویٰ کیا تھا کہ ان کی گرفتاری کے لیے چار سرکاری گاڑیاں ان کے گھر کے باہر موجود ہیں۔
