اسلام آباد: وفاقی وزیر منصوبہ بندی احسن اقبال نے دعویٰ کیا ہے کہ عمران خان کو پیسے دینے والے اپنا ایجنڈا بھی پورا کراتے ہیں، جیسے ہی مقصد پورا ہوا، عمران خان آرام سے گھر جا کر بیٹھ گئے، فارن فنڈنگ کیس کا حساب نہیں دے رہے ہیں۔
ایوان فیصلہ کرے گا انتخابات کب ہونے ہیں، وزیر اعظم
ہم نیوز کے مطابق پاکستان مسلم لیگ (ن) کے مرکزی جنرل سیکریٹری احسن اقبال نے وفاقی دارالحکومت اسلام آباد میں پریس کانفرنس سے خطاب کرتے ہوئے کہا کہ 25 مئی کا دن ختم ہوا توعمران خان اپنے کارکنوں کو چھوڑ کر بنی گالہ چلے گئے، عمران خان نے 25 مئی کا دن ہی دھرنے کیلئے کیوں چنا؟ دھرنے کی کال سے کیا مقاصد حاصل کرنا چاہتے تھے؟ قوم پوچھنا چاہتی ہے۔
احسن اقبال نے کہا کہ بھارت 25 مئی کو یاسین ملک کے خلاف فیصلہ سنانے جا رہا تھا، بھارت کا ظالمانہ قدم میڈیا پر ہائی لائٹ ہونا چاہئے تھا لیکن کل اسلام آباد میں عمران خان نے فسادی سیاست کی، صاف راستہ تو پاکستان میں کسی حکومت کو نہیں ملا۔
اسمبلیاں تحلیل اور انتخابات کرائیں، عمران خان کی حکومت کو 6 دن کی مہلت
ہم نیوز کے مطابق وفاقی وزیر برائے منصوبہ بندی احسن اقبال نے کہا کہ آج عمران خان یہ بتانے سے قاصر ہیں کہ انہوں نے چار سال میں کیا کیا؟ چار سالوں میں سوائے رونے کے، انہوں نے کچھ نہیں کیا۔
