عمران خان اجازت دیں آئندہ لانگ مار چ میں فورس استعمال کروں گا، محمود خان

قیادت بتائے گی تو پی ڈی ایم کے ساتھ مذاکرات کرینگے، وزیراعلیٰ

وزیراعلیٰ خیبرپختونخوا محمود خان نے کہا ہے کہ عمران خان اجازت دیں آئندہ لانگ مار چ میں فورس استعمال کروں گا۔

اپنے بیان میں انہوں نے کہا کہ امپورٹڈ حکومت نے ہمارے ساتھ جو کیا کارروائی کریں گے ،قانونی ٹیم سے مشاور ت کی ہے ،سپریم کورٹ میں درخواست دیں گے۔

محمود خان نے کہا کہ راناثنااللہ کو معاف نہیں کیا جائے گا، لانگ مارچ میں پرامن گئے تھے، عمران خان اجازت دیں آئندہ لانگ مار چ میں فورس استعمال کروں گا۔

مشکل وقت گزر جائے گا، اپنے لیڈر کے ساتھ کھڑے ہیں: محمود خان

انہوں نے کہا کہ شہبازشریف کپڑے بیچنے کی بات کرتےہیں ،ان کے کپڑے کون خریدے گا؟ وہ خیبرپختونخوا آ کر آٹا سستا کرنے پر مجھے الٹی میٹم دیتے ہیں۔

متعلقہ خبریں