لاہور: صوبہ پنجاب کے نامزد گورنر بلیغ الرحمان نے اپنے عہدے کا حلف اٹھا لیا ہے۔ چیف سیکرٹری پنجاب نے تقرری سے متعلق نوٹی فکیشن پڑھ کر سنایا۔
صدر مملکت نے نئے گورنر پنجاب کی تعیناتی کی منظوری دے دی
ہم نیوز کے مطابق بلیغ الرحمان سے چیف جسٹس لاہور ہائی کورٹ محمد امیر بھٹی نے حلف لیا۔ تقریب حلف برداری میں وزیراعلیٰ پنجاب حمزہ شہباز بھی موجود تھے۔ تقریب حلف برداری میں اراکین پارلیمنٹ اور لاہور ہائی کورٹ کے جج صاحبان نے بھی شرکت کی۔
اس موقع پر ن لیگ سے تعلق رکھنے والے وزیراعلیٰ پنجاب حمزہ شہباز نے بلیغ الرحمان کو گورنر پنجاب کا حلف اٹھانے پر مبارک باد پیش کی اور کہا کہ بلیغ الرحمن گورنرپنجاب کے منصب کو عوامی فلاح کیلئے استعمال کریں گے۔
آئین کے تحت گورنر صدر کی خوشنودی تک عہدے پر فائز رہے گا، صدر مملکت
حمزہ شہباز نے کہا کہ آج آئین و قانون کی بالادستی ہوئی ہے، آئین سے کھلواڑ کرنے والوں نے نہ صرف وزیراعلیٰ بلکہ گورنر کے حلف میں بھی رکاوٹیں ڈالیں، ہم مل کر صوبے کے عوام کی خدمت کریں گے۔
صدر مملکت ڈاکٹر عارف علوی نے بلیغ الرحمٰن کی بطور گورنر پنجاب تعیناتی کی منظوری دی تھی۔ صدر مملکت نے یہ منظوری وزیر اعظم کی ایڈوائس پر آئین کے آرٹیکل 101 (1) کے تحت دی تھی۔
واضح رہے کہ 7 مئی کو وزیراعظم شہباز شریف کی ایڈوائس پر پاکستان مسلم لیگ (ن) سے تعلق رکھنے والے بلیغ الرحمن کا نام گورنر پنجاب منصب کے لیے صدر مملکت کو ارسال کیا گیا تھا لیکن انہوں نے وزیراعظم کی ارسال کی گئی سمری کو مسترد کر دیا تھا۔
ن لیگ کے امیر مقام نے خیبرپختونخوا میں گورنر راج لگانے کی تجویز پیش کردی
سمری مسترد کرنے وقت صدر مملکت نے مؤقف اپنایا تھا کہ عمر سرفراز چیمہ اب بھی گورنر پنجاب کے عہدے پر فائز ہیں، نئی تقرری کا کوئی جواز نہیں ہے۔
