قومی ٹیم کے فاسٹ بالر شاہین شاہ آفریدی نے کپتان بابر اعظم کے کھیل کی تعریف کرتے ہوئے انہیں پاکستان کی شان قرار دیا ہے۔
شاہین شاہ آفریدی نے ٹویٹ میں لکھا کہ ریکارڈز ایک چیز ہیں لیکن آپ نے کل رات خوشدل شاہ کو مین آف دی میچ ایوارڈ دے کر جس عظمت کا مظاہرہ کیا، آپ نے لاکھوں دل جیت لیے۔
آفریدی نے انہیں دعا دیتے ہوئے لکھا کہ کپتان اللہ کرے آپ پاکستان کے لیے مزید ریکارڈ توڑتے رہیں۔ آپ پاکستان کی شان ہو۔
انہوں نے اپنے ٹوئٹ میں بابر اعظم اور خوشدل شاہ کی تصویر بھی شئیر کیں۔
Records are one thing but the greatness you showed last night by giving your MoM to Khushdil Shah, you won millions of hearts.
May you continue to break more records for Pakistan Kaptaaan. Tum Pakistan ki Shaan ho. #BabarAzam𓃵 #ThePrideOfPakistan pic.twitter.com/PM7SWtfY7m
— Shaheen Shah Afridi (@iShaheenAfridi) June 9, 2022
یاد رہے گزشتہ روز پاکستان کرکٹ ٹیم کے کپتان بابر اعظم نے اپنا مین آف دا میچ کا ایوارڈ خوشدل شاہ کو دے دیا تھا۔
ویسٹ انڈیز کے خلاف ہوم سیریز میں پاکستان نے پہلے ون ڈے میں مہمان ٹیم کو 5 رنز سے شکست دی۔ تین میچوں پر مشتمل ون ڈے سیریز کے افتتاحی میچ میں ویسٹ انڈیز نے پاکستان کو جیت کے لیے 306 رنز کا ہدف دیا۔ قومی ٹیم نے مطلوبہ ہدف پانچ وکٹوں کے نقصان پر پورا کر لیا۔
بابراعظم شاندار سنچری بنا کر نمایاں رہے ۔ تاہم اختتامی اوورز میں خوشدل شاہ نے جارحانہ بیٹنگ کر کے 23 گیندوں پر 41 رنز بنائے اور آخری اوور میں ٹیم کو جیت دلوائی۔
جیوری کی جانب سے سنچری اسکور کرنے والے کپتان بابراعظم کو مین آف دی میچ ایوارڈ کے لیے چنا گیا۔ کپتان نے بڑے دل کا مظاہرہ کرتے ہوئے اپنا ایوارڈ خوشدل شاہ کو دے دیا، جس سے انہوں نے میچ کے ساتھ ساتھ پاکستانی عوام کے دلوں کو بھی ایک بار پھر جیت لیا۔
Beautiful gesture from the skipper 😍@babarazam258 gives his player of the match award to @KhushdilShah_ 🏆👏#PAKvWI | #KhelAbhiBaqiHai pic.twitter.com/7BrSiV7TyL
— Pakistan Cricket (@TheRealPCB) June 8, 2022