بولیویا کی سابق صدر کو آئین شکنی کرنے پر دس برس قید کی سزا سنا دی گئی۔
جنوبی امریکی ملک بولیویا کی ایک عدالت نے ملک کی سابق صدر جینینے اینّز چاویز کو 2019 میں بغاوت کرنے کا قصوروار ٹھہرایا دیا ہے۔
عدالتی فیصلے میں سابق صدر کو دس برس قید کی سزا سنائی گئی ہے۔ چون سالہ اینّز کو آئین کے خلاف فیصلے کرنے اور اپنے فرائض سے غفلت برتنے کا مجرم قرار دیا گیا ہے۔
سابق صدر انیّز کو مارچ 2021 میں دہشت گردی، بغاوت اور سازش جیسے الزامات کے تحت حراست میں لے لیا گیا تھا، تب سے وہ قید میں ہیں اور انہیں مقدمے کی سماعت کے دوران عدالتی کارروائی میں ذاتی طور پر شرکت کی بھی اجازت نہیں دی گئی اور وہ جیل سے ہی مقدمے کی پیروی کرتی رہیں۔
