تفریح کی غرض سے گلگت بلتستان پہنچنے والے پاکستانی خاتون ڈاکٹر اور ان کے شوہرایک نوجوان کی زندگی بچانے کا ذریعہ بن گئے۔
ملتان سے سیاحت کے لیے گلگت بلتستان جانے والی خاتون ڈاکٹر اور ان کے شوہر نے نلتر جھیل میں ڈوب کر موت کے قریب پہنچ جانے والے نوجوان کو فوری طبی امداد دے کر اس کی زندگی بچا لی۔
خاتون ڈاکٹر اور شوہر کی کی جانب سے نوجوان کو طبی امداد دینے کی ویڈیو سوشل میڈیا پر وائرل ہو گئی۔
نلتر جھیل میں ڈوبنے والے بچے کو ملتان کی ڈاکٹر قرات العین اور ڈاکٹر اسرار نے ابتدائ طبی امداد دے کر بچا لیا۰
جزاک اللہ
بےشک اللہ ھی زندگی کا وسیلہ دینے والا ھے۰ pic.twitter.com/EFUwGccK11— بِٹــــــــــــــــــــــــو 🇵🇰 (@BIT0420) June 17, 2022
چند روز قبل گلگت بلتستان کی نلتر جھیل میں دو نوجوان ڈوب گئے تھے ان میں سے ایک انتقال کر گیا جب کہ دوسرے کو اس جوڑے نےبچا لیا ۔
ڈاکٹر قرۃ العين ہاشمی کا کہنا ہے کہ یقین نہیں آرہا تھا کہ 16 سالہ نوجوان زندہ بچ جائے گا لیکن سی پی آر کی مدد سے اس کی جان بچ گئی۔
ڈاکٹر اور شوہر کی جانب سے کی جانے والی کوششوں کو سوشل میڈیا پر خوب سراہا گیا، سوشل میڈیا صارفین نے انہیں ہیرو قرار دیا ہے۔
